ព្រឹកនេះ អ្នកជាសះស្បើយពីជំងឺកូវីដ១៩ មានចំនួន១នាក់, សល់២នាក់ កំពុងសម្រាកព្យាបាល

ភ្នំពេញ៖ យោងតាមសេចក្ដីជូនដំណឹងរបស់ក្រសួងសុខាភិបាល ថ្ងៃនេះ មានអ្នកជាសះស្បើយ ១នាក់ និងពុំរកឃើញករណីជំងឺកូវីដ១៩ថ្មីទេ។

រហូតដល់ម៉ោង ០៨:៣០ ព្រឹក ថ្ងៃទី២៤ ខែមិថុនា ឆ្នាំ២០២០ កម្ពុជា ពុំរកឃើញករណីជំងឺកូវីដ១៩ ថ្មីទេ ដូច្នេះចំនួនសរុបកូវីដ១៩, ១៣០នាក់ដដែល ចំនួនសម្រាកព្យាបាលនៅមន្ទីរពេទ្យនៅសល់ ០២នាក់ ចំនួនជាសះស្បើយសរុបចំនួន ១២៨នាក់ និងស្លាប់គ្មាន។

ករណីជាសះស្បើយ ចំនួន ០១នាក់ គឺជាបុរសជនជាតិខ្មែរអាយុ ២១ឆ្នាំ មានអាសយដ្ឋាននៅភូមិស្រែអំបិល ឃុំស្រែអំបិល ស្រុកអំបិល ខេត្តកោះកុង ជាអ្នកធ្វើដំណើរមកពីប្រទេសម៉ាឡេស៊ី ដោយទទួលបានលទ្ធផលតេស្ត អវិជ្ជមាន វីរុសកូវីដ១៩ ចំនួន ០២លើក ហើយត្រូវបានអនុញ្ញាតឱ្យចេញពីមន្ទីរពេទ្យមិត្តភាពខ្មែរ-សូវៀត៕

អត្ថបទ៖ លាភ