Bundesliga ទទួលបានកិច្ចព្រមព្រៀងក្នុងការផ្សាយបន្តផ្ទាល់ដែលមានទំហំទឹកប្រាក់ ប្រមាណ៤,៤ពាន់លានអឺរ៉ូ

Bundesliga៖ ក្របខណ្ឌបាល់ទាត់អាល្លឺម៉ង់ បាននិយាយកាលពីថ្ងៃចន្ទ (២២ មិថុនា) ថាក្របខណ្ឌ នៃប្រទេសអាល្លឺម៉ង់មួយនេះអាចរកប្រាក់បាន ៤,៤ ពាន់លានអឺរ៉ូ ពីសិទ្ធិផ្សាយការប្រកួតបាល់ទាត់នៅក្នុងស្រុកសម្រាប់រយៈពេល ៤ ឆ្នាំ ចាប់ពីឆ្នាំ ២០២១/២២ តទៅ ដែលជាការកើនឡើង ៨៥% ពីកិច្ចព្រមព្រៀងមុន។

ក្នុងនោះដែរក្របខណ្ឌមួយនេះ ក៏ទទួលបានសិទ្ធិសម្រាប់ការប្រកួតថ្ងៃសៅរ៍ពីសំណាក់ទូរទស្សន៍ Sky ដែលគ្រប់គ្រងដោយ U.S Group គឺជាអ្នកកាន់សិទ្ធិក្នុងស្រុកដ៏ធំមួយក្រោមកិច្ចព្រមព្រៀងបច្ចុប្បន្ន។ ខណៈទូរទស្សន៍ DAZN ត្រូវទទួលបានការផ្សាយការប្រកួតទាំងអស់នៅថ្ងៃសុក្រនិងថ្ងៃអាទិត្យ។

សូមបញ្ចាក់ផងដែរថា លោក Christian Seifert នាយកប្រតិបត្តិ នៃក្របខណ្ឌបាល់ទាត់ក្នុងប្រទេសអាល្លឺម៉ង់ បាននិយាយថា លីគនឹងទទួលបានប្រហែល ១,១ ពាន់លានដុល្លារក្នុងមួយឆ្នាំពីកិច្ចព្រមព្រៀងសម្រាប់កញ្ចប់សិទ្ធិក្នុងស្រុកចំនួន ១៨ ផ្សេងគ្នាដែលបានប្រកាសកាលពីថ្ងៃចន្ទកន្លងទៅ៕