កាន់តែល្អមើលទៀតហើយសម្រាប់ថ្ងៃនេះ រឹតតែកម្សត់ ព្កុលមាស ត្រូវបានប្អូនស្រី ឆោមផ្កា ធ្វើបាបរាងកាយគ្មានត្រាប្រណី

១ ឆ្នាំមុន

ខែមិថុនា ២៥, ២០២០ កម្សាន្ត

កម្សាន្ត៖ សម្រាប់ថ្ងៃនេះ តួអង្គដែលប្រិយមិត្តកំពុងតែមានការអាណិតអាសូរនោះ កំពុងតែត្រូវប្អូនស្រី ឆោមផ្កា ធ្វើបាបកាន់តែខ្លាំង ទាំងផ្លូវចិត្ត ទាំងរាងកាយ ជាងនេះទៅទៀត គឺពេលហូបបាយម្តងៗ ព្កុលមាស ដែលជាតួអង្គមួយដ៏កម្សត់ មួយថ្ងៃៗមិនដែលស្គាល់ថាភាពសប្បាយរីករាយក្នុងចិត្តនោះឡើយ។ ទាំងមីងខី ទាំងឆោមផ្កា ដែលជាកូនស្រី មិនដែលមានចិត្តសន្តោសប្រោសប្រណីម្តងណានោះឡើយ ទោះឪពុកខំអង្វរដើម្បីនាំ ព្កុលមាស ទៅទីណាក៏ដោយ។

សម្រាប់ថ្ងៃនេះ ប្រិយមិត្តប្រាកដជាបានដឹងកាន់តែច្បាស់ពីចរិតកាចឆ្នាស់ ឃោរឃៅចិត្តអាក្រក់ របស់មីងខី និង ឆោមផ្កា ត្រង់ឈុតបោកខោអាវមុខស្រះទឹក បង្ហាញឱ្យឃើញថា ម្តាយនិងកូន ពិតជាឆ្នាស់កាចដូចគ្នាតែម្តង។ ចំពោះតួអង្គ ព្កុលមាស វិញកាន់តែធ្វើឱ្យប្រិយមិត្តជាច្រើនរំជួលចិត្តជាខ្លាំង ដោយកើតចិត្តក្តីអាណិត ស្រឡាញ់ ហេតុអ្វីបានជា ព្កុលមាស មកកើតចំគ្រួសារចិត្តអាក្រក់បែបនេះ។

គ្រាន់តែទស្សនាភាពយន្តភាគបុរាណខ្មែររឿង “ទេពធីតាព្កុលមាស” មកប្រិយមិត្តជាច្រើន បានបញ្ចេញមតិខ្លះៗថា ពិតជាភាពយន្តភាគបុរាណខ្មែរ ដែលល្អឯកគ្រប់ឈុតឆាក ទាំងការនិយាយ សំឡេងផ្ទាល់ ការសម្តែងរបស់តួអង្គ ពិតជាល្អឥតខ្ចោះ។ ប្រិយមិត្តខ្លះទៀត ក៏លាន់មាត់និយាយថា ព្កុលមាស មិនកើតមកគ្រួសារខ្ញុំមក តាមពិតនេះជាសាច់រឿងនោះទេ ខាងក្រៅគាត់ជាមនុស្សស្លូតទេ។