Connect with us

សប្តាហ៍នេះកាន់តែប្លែក រំជើបរំជួល ញាក់កន្ត្រាក់អារម្មណ៍ លើឆាកប្រគំតន្ត្រី “រាត្រីកម្សាន្ត” ថ្ងៃសៅរ៍

កម្សាន្ត៖ អ្វីដែលទន្ទឹងរង់ចាំនោះបានមកដល់ថ្មីទៀតហើយ រឹតតែប្លែកជួបជាមួយតារាចម្រៀងល្បីៗ វ័យក្មេងសំឡេងពីរោះ អមជាមួយក្បាច់រាំពិសេសៗ នឹងចូលមកអង្រួនបេះដូងទស្សនិកជន បាត់អស់ទុក្ខកង្វល់ ឱ្យសប្បាយរីករាយនាចុងសប្តាហ៍ ជាមួយឆាកប្រគំតន្ត្រីកម្មវិធី “រាត្រីកម្សាន្ត” ថ្ងៃសៅរ៍។

ប្រិយមិត្ត នឹងបានជួបតារាចម្រៀងល្បីៗក្នុងបេះដូង ដូចជា៖ កញ្ញា លីន ដា, លោក ផែង សុភារិទ្ធ, លោក អនុស្សាវរីយ៍, ក្រុម One dream និង ពិធីករ ពិធីការិនី ដែលមានសម្រស់ស្រស់សោភា ដែលពោរពេញទៅដោយពាក្យពេចន៍កំប្លុកកំប្លែង។ មិនត្រឹមតែប៉ុណ្ណឹងនោះទេ ប្រិយមិត្តពិតជាសើចៗ សើចមិនចេះជិនណាយនាចុងកម្មវិធី ជួបជាមួយក្រុមកំប្លែង CBS បង្កើតជាសំណើចសើចក្អាកក្អាយ រីករាយជាមួយកម្មវិធីនេះផងដែរ។

សូមកុំភ្លេចទស្សនាការផ្សាយផ្ទាល់កម្មវិធី “រាត្រីកម្សាន្ត” ថ្ងៃសៅរ៍ តាមកញ្ចក់ទូរទស្សន៍ CTN និង Page CTN TV រៀងរាល់ថ្ងៃសៅរ៍ វេលាម៉ោង ៥ល្ងាច ដល់ម៉ោង ៧យប់ តទៅ៕

អត្ថបទ៖ ឡុង រតនា

Loading...

ពេញនិយម