កាសែតក្នុងស្រុកមួយបានបញ្ជាក់ថា តួឯកស្រីក្នុងរឿង “What’s Wrong With Secretary Kim” មានទំនាក់ទំនងស្នេហាស្ងាត់ៗជាមួយ Park Seo Joon រយៈពេល៣ឆ្នាំមកហើយ

១១ ខែមុន

ខែមិថុនា ២៩, ២០២០ កម្សាន្ត

កូរ៉េខាងត្បូង៖ យោងតាមកាសែតក្នុងស្រុកមួយបានបញ្ជាក់ថា តារាសម្តែងល្បីឈ្មោះ Park Min Young បានមានទំនាក់ទំនងជាមួយតារាសម្តែងប្រុស Park Seo Joon រយៈពេល ៣ ឆ្នាំមកហើយ ប៉ុន្តែ ដោយសារអ្នកទាំងពីរ មិនចង់ឱ្យអ្នកគាំទ្រចាប់អារម្មណ៍លើរឿងឯកជនជាងការងាររបស់ពួកគេ ទើបតារាសម្តែងល្បីឈ្មោះទាំងពីរដួង មិនបង្ហាញជាសាធារណៈ។

រឿងភាគ “What’s Wrong With Secretary Kim” ជារឿងមួយដែលមានការគាំទ្រខ្លាំងពីសំណាក់ទស្សនិកជន ហើយអ្នកទាំងពីរ ក៏ជាតួឯកប្រុសស្រីក្នុងរឿងល្បីនេះផងដែរ។ ទោះជាយ៉ាងណា យោងតាមការចុះផ្សាយបានបញ្ជាក់ថា ទំនាក់ទំនងរបស់អ្នកទាំងពីរ គឺកើតឡើងមុនសម្តែងរឿងភាគនេះទៅទៀត។

យ៉ាងណាមិញ នេះគឺជាការចុះផ្សាយរបស់កាសែតក្នុងស្រុកគួបផ្សំជាមួយនឹងភស្តុតាងខ្លះៗដែលអ្នកនិយមលេងបណ្តាញសង្គមចែករំលែកតែប៉ុណ្ណោះ ប៉ុន្តែមិនឃើញមានប្រព័ន្ធផ្សព្វផ្សាយព័ត៌មានណាមួយចុះផ្សាយពីរឿងនេះឡើយ ម៉្យាងទៀត មកទល់ពេលនេះ ក៏មិនទាន់មានការបញ្ជាក់ពីតារាទាំងពីររូបនេះនៅឡើយ៕