កម្ពុជា នឹងមានភ្លៀងធ្លាក់ច្រើន ក្នុងអំឡុងពេល១សប្ដាហ៍ខាងមុខ

ភ្នំពេញ៖ ព្រះរាជាណាចក្រកម្ពុជា កំពុងរងនូវឥទ្ធិលខ្យល់មូសុងនិរតី ជាមួយនឹងជ្រលងនៃប្រព័ន្ធសម្ពាធទាប ដែលនឹងអាចធ្វើឱ្យមានភ្លៀងធ្លាក់ពីកម្រិតមធ្យមទៅច្រើន នៅទូទាំងប្រទេស ចាប់ពីថ្ងៃទី០១ ដល់ ០៧ ខែកក្កដា ឆ្នាំ២០២០។ នេះបើយោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម។

បណ្ដាខេត្តនៅតំបន់ទំនាបកណ្ដាល នឹងអាចមានភ្លៀងធ្លាក់រាយប៉ាយក្នុងកម្រិតពីធម្យមទៅច្រើន ក្នុននោះ ក៏មានផ្នែកមួយចំនួន នឹងអាចមានភ្លៀងធ្លាក់ខ្លាំង។ ចំណែក បណ្ដាខេត្តនៅតំបន់ជួរភ្នំដងរែក និងខ្ពង់រាបឦសាន នឹងអាចមានភ្លៀងធ្លាក់រាយប៉ាយពីធម្យមទៅច្រើន។ រីឯបណ្ដាខេត្តនៅតំបន់មាត់សមុទ្រ នឹងអាចមានភ្លៀងធ្លាក់ពីមធ្យមទៅខ្លាំង ក្នុងនោះ នៅលើផ្ទៃសមុទ្រ នឹងអាចមានភ្លៀងធ្លាក់ខ្លាំង និងរលកសមុទ្រខ្ពស់។

ក្រសួងបានអំពាវនាវដល់ប្រជាពលរដ្ឋ និងអ្នកដំណើរសមុទ្រ ជាពិសេសប្រជានេសាទ មានការប្រុងប្រយ័ត្នខ្ពស់ចំពោះបាតុភូតផ្គរ រន្ទះ និងខ្យល់កន្ត្រាក់ ដែលនឹងអាចកើតមានជាយថាហេតុ៕

អត្ថបទ៖ លាភ