ស្ថានទូតខ្មែរជួយពលរដ្ឋ ដែលជាប់គាំងនៅមីយ៉ាន់ម៉ា ឱ្យត្រឡប់មកកាន់កម្ពុជា នៅថ្ងៃនេះ
មីយ៉ាន់ម៉ា៖ បងប្អូនប្រជាពលរដ្ឋខ្មែរ ដែលបានជាប់គាំងមួយរយៈនៅក្នុងសហភាពមីយ៉ាន់ម៉ា ដោយសារបញ្ហាជំងឺកូវីដ១៩ បានវិលត្រឡប់ប្រទេសកម្ពុជាវិញ នៅថ្ងៃអង្គារ ទី៣០ ខែមិថុនា ឆ្នាំ២០២០នេះ តាមរយៈជើងហោះហើរពិសេសរបស់ក្រុមហ៊ុនអាកាសចរណ៍អន្តរជាតិមីយ៉ាន់ម៉ា។
ជើងហោះហើរពិសេសរបស់បងប្អូនប្រជាពលរដ្ឋខ្មែរ បានចេញដំណើរនៅម៉ោង ១២ថ្ងៃត្រង់ម៉ោងនៅទីក្រុងយ៉ាងហ្គោន។ ជើងហោះហើរនេះ អាចធ្វើទៅបាន ដោយកិច្ចខិតខំប្រឹងប្រែងរបស់មន្ត្រីស្ថានទូតកម្ពុជាប្រចាំទីក្រុងយ៉ាងហ្គោន និងក្រុមប្រឹក្សាភិបាលនៃសហគមន៍ខ្មែរ នៅប្រទេសមីយ៉ាន់ម៉ា។
យ៉ាងណាក៏ដោយ បងប្អូនប្រជាពលរដ្ឋខ្មែរ ដែលត្រឡប់មកកាន់មាតុប្រទេសវិញ នឹងត្រូវអនុវត្តតាមសេចក្ដីណែនាំរបស់ក្រសួងសុខាភិបាល ដែលដាក់ចេញនាពេលកន្លងទៅ ដើម្បីទប់ស្កាត់ការចម្លងនៃជំងឺកូវីដ១៩។
សូមជម្រាបថា ប្រទេសមីយ៉ាន់ម៉ា បានរកឃើញអ្នកផ្ទុកជំងឺកូវីដ១៩ចំនួនប្រហែល ៣០០នាក់ ក្នុងនោះស្លាប់ ៦នាក់ និងជាសះស្បើយជាង ២២០នាក់៕
អត្ថបទ៖ លាភ

- កម្សាន្ត១ ឆ្នាំមុន
សាក្សីថា តារាម៉ូដែលថៃដែលស្លាប់ ត្រូវបានគេព្រួតវាយធ្វើបាបក្នុងពីធីជប់លៀងផឹកស៊ី
- សំខាន់ៗ១ ឆ្នាំមុន
វៀតណាម ប្រហារជីវិតបុរសដែលសម្លាប់សង្សារដោយកាត់សពជាបំណែកដាក់ក្នុងទូទឹកកក
- សង្គម២ ឆ្នាំមុន
ដំណឹងល្អសម្រាប់អ្នកជំងឺគ-ថ្លង់នៅកម្ពុជា ដោយអាចធ្វើការវះកាត់ព្យាបាលបាន ១០០ភាគរយ នៅមន្ទីរពេទ្យព្រះអង្គឌួង ក្នុងតម្លៃទាបជាងនៅក្រៅប្រទេសបីដង
- សង្គម២ ឆ្នាំមុន
អាណិតណាស់ ក្រុមគ្រួសារលោក ពៅ គីសាន់ ហៅនាយ ឆើត កំពុងដង្ហោយហៅការជួយពីសាធារណៈជន ក្រោយពេលដែលគាត់បានជួបគ្រោះថ្នាក់ចរាចរណ៍