បណ្ណាល័យដ៏ធំបំផុតនៅប្រទេសចិន មានសៀវភៅរហូតដល់ ១,២ លានក្បាលឯណោះ

៧ ខែមុន

ខែកក្កដា ៣, ២០២០ កម្សាន្ត

ចិន៖ Tianjin Binhai គឺជាបណ្ណាល័យដ៏ធំមួយនៅប្រទេសចិន និងត្រូវបានគេឱ្យឈ្មោះក្រៅថា “The Eye” ដោយសារតែអគារនេះសាងសង់ឡើងមានរាងដូចជាភ្នែក ហើយបណ្ណាល័យនេះដែរមាន ៥ ជាន់ដែលមានទំហំ ៣៣៧០០ ម៉ែត្រការ៉េ និងមានសៀវភៅចំនួន ១,២ លានក្បាលឯណោះ។

សម្រាប់ជាន់ទី ១ មានកន្លែងទទួលភ្ញៀវ និងបន្ទប់អានសៀវភៅ រីឯជាន់ខាងលើគឺមានបន្ទប់កុំព្យូទ័រ បន្ទប់ប្រជុំ និងការិយាល័យ។ គួររំឭកដែរថា បណ្ណាល័យនេះបានបើកដំណើរការនៅខែតុលា ឆ្នាំ២០១៧ ដែលសប្តាហ៍ដំបូងមានមនុស្សទៅទីនោះប្រមាណ ១ ម៉ឺននាក់ឯណោះក្នុង ១ ថ្ងៃរហូតមានអ្នកឈរតម្រង់ជួរនៅខាងក្រៅអគារទៀតផង។

បណ្ណាល័យដែលធំជាងគេនៅប្រទេសចិនមួយនេះ បានទាក់ទាញចំណាប់អារម្មណ៍មនុស្សទូទាំងពិភពលោកជាខ្លាំង ដោយសាររចនាបថអាគារមានភាពទាក់ទាញ ព្រមជាមួយនឹងប្រភេទសៀវភៅរាប់លានក្បាលនោទីនោះ។ សូមបញ្ជាក់ដែរថា បណ្ណាល័យ Tianjin Binhai មានទីតាំងស្ថិតនៅស្រុក Binhai ក្រុង Tianjin ប្រទេសចិន៕

(ទស្សនាវីដេអូ)