ជំងឺគ្រុនឈាមនៅប្រទេសវៀតណាមក្នុងរយៈពេល ៣ សប្តាហ៍ចុងក្រោយនេះ ហាក់ស្ទុះឡើងខ្ពស់គួរឱ្យកត់សម្គាល់

វៀតណាម៖ រដូវវស្សាបានមកដល់ ជំងឺគ្រុនឈាមក៏ចាប់ផ្តើមវាយលុកបណ្តើរៗដែរ ជាក់ស្តែងប្រទេសវៀតណាម បានធ្វើសេចក្តីរាយការណ៍ថា រយៈពេល ៣ សប្តាហ៍ចុងក្រោយនេះ ជំងឺគ្រុនឈាម បានកើនឡើងចំនួន ៦៣៤ ករណីហើយ។

រយៈពេល ៦ ខែដំបូងនៃឆ្នាំ ២០២០ ជំងឺគ្រុនឈាមហាក់មានអាត្រាទាប នេះបើធៀបនឹងឆ្នាំ ២០១៩ ទោះជាយ៉ាងណា ក្នុងរយៈពេល ៣ សប្តាហ៍ចុងក្រោយនេះ មន្ទីរសុខាភិបាលនៅក្រុងហូជីមិញ បានបញ្ជាក់ថា អាត្រានៃអ្នកកើតជំងឺគ្រុនឈាមក្នុងតំបន់មួយចំនួនបានផ្ទុះឡើងខ្ពស់គួរឱ្យកត់សម្គាល់។

យ៉ាងណាមិញ មន្ទីរសុខាភិបាលវៀតណាម បានចាត់វិធានការយ៉ាងសកម្មដើម្បីបង្ការ និងទប់ស្កាត់ការផ្ទុះឡើងខ្លាំងជាងនេះទូទាំងប្រទេសផងដែរ៕

ប្រភព៖ Zing

ប្រែសម្រួល៖ គង់ ចាន់ស្រីនុច