ខ្សែបម្រើវ័យក្មេង Curtis Jones ចុះកិច្ចសន្យាថ្មីរយៈពេលវែងជាមួយ Liverpool

Premier League៖ ក្លិប Liverpool បានឱ្យដឹងថា ខ្សែបម្រើ Curtis Jones បានចុះកិច្ចសន្យាថ្មីរយៈពេលវែងក្នុងការលេងនាទីលាន Anfield។

កីឡាករយុវជន វ័យ១៩ឆ្នាំរូបនេះ ត្រូវបានគេចាត់ទុកថា ជាកីឡាករល្អមួយរូប ក្នុងចំណោមកីឡាករឆ្នើមៗរបស់ក្លិបនេះ ហើយបានបង្ហាញមុខក្នុងក្រុមជម្រើសដំបូងបាន៨លើករួចហើយនៅរដូវកាល 2019-20 និងរកបាន២គ្រាប់។

Curtis បានឆ្លងកាត់ក្រុមយុវជននៅ Anfield ដោយចូលរួមជាមួយ Liverpool តាំងពីអាយុ៩ឆ្នាំមកម្ល៉េះ។

Curtis បាននិយាយថា៖ “សម្រាប់ខ្ញុំ វាគឺជារឿងដ៏អស្ចារ្យ។ នេះគឺជាក្លិបវ័យកុមាររបស់ខ្ញុំ”៕