Connect with us

ប្រធានក្លិប Barcelona ថា អ្នកចាត់ការ Quique Setien នៅតែដឹកនាំក្រុមដល់រដូវកាលក្រោយ

La Liga៖ ប្រធានក្លិប Barcelona លោក Josep Bartomeu បាននិយាយថា អ្នកចាត់ការ Quique Setien នៅតែទទួលឱកាសដឹកនាំក្រុមរហូតដល់រដូវកាលក្រោយ ត្បិតក្រុមស្ថិតនៅលេខ២ក្ដី និងមិនសោកស្ដាយឡើយដែលបណ្ដេញលោក Ernesto Valverde កាលពីខែមករា។

លោក Valverde បានជួយ Barcelona ឱ្យឈរកំពូលតារាង មុនពេលលោកត្រូវបណ្ដេញចេញកាលពីខែមករា ជំនួសកន្លែងដោយលោក Setien។

ការប្រជែងពានរបស់ Barcelona កំពុងជួបបញ្ហា បន្ទាប់ពីលេងស្មើជាច្រើនប្រកួតទល់នឹង Sevilla, Celta Vigo និង Atletico Madrid ហើយបច្ចុប្បន្នចាញ់ Real Madrid ៤ពិន្ទុ។

ប៉ុន្តែជ័យជម្នះ ៤-១ លើ Villarreal កាលពីចុងសប្ដាហ៍ លោក Bartomeu បាននិយាយថា លោកគិតថាពួកគេកំពុងឈានទៅរកទិសដៅត្រឹមត្រូវហើយ។

លោកបានថ្លែងបែបនេះ៖ “Setien ច្បាស់ជាបន្តទៅមុខទៀត។ នៅពេលនេះខ្ញុំពិតជាសប្បាយចិត្តជាមួយនឹងរបៀបដែលក្រុមបានវិវឌ្ឍ ហើយក្នុងរយៈពេលប៉ុន្មានប្រកួតចុងក្រោយ ពួកយើងបានឃើញការរីកចម្រើនដែល Setien បានធ្វើ។ ខ្ញុំមិនសោកស្ដាយឡើយដែលបណ្ដេញ Valverde។ ពួកយើងត្រូវផ្ដល់កម្លាំងចិត្តដល់ក្រុម”៕

Loading...

ពេញនិយម

WP2Social Auto Publish Powered By : XYZScripts.com