Tammy Abraham ទាមទារតំឡើងប្រាក់ឈ្នួលមុនបន្តអនាគតជាមួយ Chelsea

Premier League៖ ខ្សែប្រយុទ្ធ Tammy Abraham កំពុងតែទាមទារការដំឡើងប្រាក់ឈ្នួលខ្ពស់ជាងនេះ មុននឹងទទួលយកការបន្តអនាគតយូរអង្វែងជាមួយក្លិប Chelsea។

កីឡាករអង់គ្លេស នៅសល់កិច្ចសន្យាពីរឆ្នាំទៀតដែលមានប្រាក់ឈ្នួល ៥ម៉ឺនផោនក្នុងមួយសប្តាហ៍។ រូបគេកំពុងចរចាជាមួយអ្នកចាត់ការ Frank Lampard ជុំវិញអនាគតរបស់ខ្លួនហើយរំពឹងថា គេនឹងទទួលបានកិច្ចសន្យាមួយដែលមានប្រាក់ឈ្នួលប្រហាក់ប្រហែលនឹង Callum Hudson Odoi គឺ១២ម៉ឺនផោនក្នុងមួយសប្តាហ៍ បូករួមប្រាក់លើកទឹកចិត្តផងដែរ។

នៅពេលសួរនាំអំពីអនាគតរបស់ Tammy លោក Lampard បាននិយាយថា៖ “Tammy ពិតជាមានសារសំខាន់”។

Tammy Abraham រកបាន១៥គ្រាប់សម្រាប់ Chelsea នៅរដូវកាលនេះ ប៉ុន្តែក្នុង១០ប្រកួតចុងក្រោយមិនអាចរកបានគ្រាប់បាល់នោះទេ៕