Connect with us

ប្រជាជនវៀតណាមនាំគ្នាផ្ទុះកំហឹងលើជនជាតិម៉ាឡេស៊ីម្នាក់ដែលបានប្រដូចនំគួងទៅនឹងស្បែកបាតជើងមនុស្ស

វៀតណាម៖ យោងតាមបណ្តាញសង្គមមួយឈ្មោះ Memes_puaka ដែលមាន followers ចំនួន ៦ ពាន់នាក់បានធ្វើឱ្យវៀតណាមផ្ទុះកំហឹងជាខ្លាំងក្រោយបង្ហោះរូបភាពនំគួង និងបានប្រៀបប្រដូចទៅនឹងស្បែកបាតជើងមនុស្សភ្ជាប់ជាមួយនឹងរូបភាពទន្ទឹមគ្នាកាលពីថ្ងៃទី០៨ ខែកក្កដា។

គ្រាន់តែរូបភាពមួយនេះ បង្ហោះមិនបានប៉ុន្មានផង ក៏មានជនជាតិវៀតណាមជាច្រើននាក់ផ្ទុះកំហឹងជាខ្លាំង និងបានចែករំលែកតៗគ្នារហូតក្លាយជាប្រធានបទក្តៅគគុកទូទាំងប្រទេសទៀតផង។ យ៉ាងណាមិញ ក៏មានមនុស្សមួយចំនួនបានចូលរួមផ្តល់មតិឱ្យពួកគេធ្វើចិត្តឱ្យត្រជាក់ និងពន្យល់ពីហេតុផលក៏ដូចជាគ្រឿងផ្សំវិញជាជាងបញ្ចេញកំហឹងដាក់គ្នា។

ទោះជាយ៉ាងណា ប្រជាជនម៉ាឡេស៊ីមួយចំនួនក៏មិនបានកាន់ជើងជនជាតិខ្លួនដែរ ដោយពួកគេបានចោទជាសំណួរទៅវិញថា៖ “ហេតុអីត្រូវលើកយកចំណីអាហារប្រចាំប្រទេសគេមកនិយាយបែបនេះ? តើអ្នកមានអារម្មណ៍យ៉ាងណាប្រសិនបើជនជាតិវៀតណាមសើចចំអកលើម្ហូបរបស់ម៉ាឡេស៊ីវិញ?”។

បច្ចុប្បន្ន ប្រធានបទមួយនេះកំពុងតែក្តៅគគុកខ្លាំងលើបណ្តាញសង្គមនៅប្រទេសវៀតណាម ដែលពួកគេបានចូលរួមពិភាក្សា និងចែករំលែកតៗគ្នាយ៉ាងសកម្ម៕

ប្រភព៖ Zing

ប្រែសម្រួល៖ គង់ ចាន់ស្រីនុច

  • អត្ថបទទាក់ទង :
  • Featured
Loading...

ពេញនិយម