គ្រាប់ស្វាយចន្ទី មិនត្រឹមតែជាអាហារសម្រន់ដ៏ពេញនិយមប៉ុណ្ណោះទេ ថែមទាំងអាចច្នៃជាមុខម្ហូប និងភេសជ្ជៈដ៏មានឱជារសថែមទៀត

ម្ហូប៖ គ្រាប់ស្វាយចន្ទី អាចចាត់ទុកជាមុខម្ហូបម៉្យាងដែលពេញនិយមបំផុតនៅក្នុងប្រទេសកម្ពុជា ទាំងការញ៉ាំទទេធ្វើជាអាហារសម្រន់ និងយកទៅច្នៃជាមុខម្ហូបមួយចំនួនទៀតមិនត្រឹមតែមានឱជារសឈ្ងុយឆ្ងាញ់ប៉ុណ្ណោះទេ ថែមទាំងផ្តល់អត្ថប្រយោជន៍ដល់សុខភាពទៀតផង។

យ៉ាងណាមិញ គ្រាប់ស្វាយចន្ទីដែលភាគច្រើនតែងមានវត្តមានក្នុងមុខម្ហូបពិធីមង្គលការ ជប់លៀង ឬ កម្មវិធីនានាជាច្រើនទៀតដែលត្រូវបានចាត់ទុកជាមុខម្ហូបគ្រឿងក្លែមដ៏ពេញនិយមមួយនៅក្នុងព្រះរាជាណាចក្រកម្ពុជា។ មិនត្រឹមតែប៉ុណ្ណោះ គ្រាប់ស្វាយចន្ទីក៏អាចច្នៃធ្វើជាមុខម្ហូបបានមួយចំនួនទៀតដូចជា សាឡាត់សម្រាប់អ្នកចង់សម្រកទម្ងន់ នំបុ័ង បង្អែម ស៊ុប ឆាបន្លែ ញាំ ឬ កិនលាយជាមួយភេសជ្ជៈជាដើម។

មិនត្រឹមតែអាចច្នៃជាមុខម្ហូបប៉ុណ្ណោះទេ ប៉ុន្តែគ្រាប់ស្វាយចន្ទីក៏ផ្តល់អត្ថប្រយោជន៍ដល់សុខភាពផងដែរ ដោយសារវាជា៖
– ប្រភពនៃសារជាតិដែក
– សម្បូរទៅដោយវីតាមីន K
– ប្រភពនៃជាតិទង់ដែង
– សម្បូរទៅដោយមាញ៉េស្យូម

ដូចនេះ គ្រាប់ស្វាយចន្ទីតែមួយមុខអាចជួយសម្រកទម្ងន់ ធ្វើអាហារសម្រន់ ឬ ម្ហូបជាច្រើនមុខទៀតតាមការច្នៃទៅតាមចំណង់ចំណូលចិត្តរបស់មនុស្សម្នាក់ៗ ថែមទាំងជួយដល់សុខភាពដែលអាចផ្តល់សារធាតុចិញ្ចឹមដល់រាងកាយផងដែរ៕

អត្ថបទ៖ គង់ ចាន់ស្រីនុច