Man City បង្ហាញឈុតថ្មីសម្រាប់រដូវកាលក្រោយ

Premier League៖ ក្លិបមេឃខៀវ Man City បានបង្ហាញឈុតថ្មីរបស់ខ្លួនសម្រាប់រដូវកាលក្រោយឆ្នាំ ២០២០-២១។

ក្នុងរូបភាពវីដេអូដែលចេញដោយគណនី Twitter របស់ក្លិបផ្ទាល់ បានបង្ហាញពីឈុតដ៏ស្រស់ស្អាត ដែលរួមបញ្ចូលគ្នាទាំងសិល្បៈ ទាំងចំណុចពិសេសៗជាច្រើនរបស់ក្លិបនេះ។

ជាក់ស្តែង ឈុតសម្លៀកបំពាក់ថ្មីនេះ មានអាវដែលមានម៉ូតបំណែកកញ្ចក់ផ្គុំចូលគ្នារំលេចដោយពណ៌ខៀវ និង ស ឆ្លាស់គ្នា រួមទាំងឡូហ្គោ Man City នៅទ្រូងខាងឆ្វេងផងដែរ។ ដូចរដូវកាលមុនដែរ Man City និងសហការជាមួយក្រុមហ៊ុន Puma ក្នុងការបញ្ចេញឈុតរបស់ខ្លួន។

សូមបញ្ជាក់ថា ការបញ្ចេញវីដេអូឈុតថ្មីសម្រាប់រដូវកាលថ្មី របស់ Man City នេះ គឺបន្ទាប់ពី ពួកគេទើបតែរួចផុតការចោទប្រកាន់របស់ UEFA ទៅលើបទល្មើសការពានច្បាប់កំហិតការចាយវាយ៕