Connect with us

តារាសម្តែងល្បីឈ្មោះប្រចាំប្រទេសជប៉ុន Haruma Miura ដែលត្រូវជាមិត្តភ័ក្តិរបស់ Chanyeol សមាជិកក្រុម Exo ប្រទះឃើញចង ក ស្លា ប់ ក្នុងផ្ទះ

ជប៉ុន៖ សារព័ត៌មានជប៉ុនទើបតែបានចេញផ្សាយព័ត៌មានដ៏គួរឱ្យភ្ញាក់ផ្អើលមួយកាលពីវេលាម៉ោង ៣ រសៀលនេះ (ម៉ោងនៅជប៉ុន) ចុះផ្សាយថា តារាសម្តែងដ៏មានប្រជាប្រិយភាព Haruma Miura បាន ស្លា ប់ ក្នុងវ័យ ៣០ ឆ្នាំនៅថ្ងៃទី១៨ ខែកក្កដា នេះដោយតាមការធ្វើកោសល្យវិច័្ចយជាបឋមគឺលោកបានធ្វើអត្ត ឃាត។

យោងតាមសារព័ត៌មានជប៉ុនបានបញ្ជាក់ថា តារាល្បីឈ្មោះរូបនេះត្រូវមានការប្រជុំនៅថ្ងៃទី១៨ ខែកក្កដា នេះ ប៉ុន្តែបែរជាមិនឃើញមានវត្តមានរបស់លោកចូលរួមឡើយ រហូតដល់មន្ត្រីប៉ូលិសបានទៅពិនិត្យមើលដល់ផ្ទះទើបប្រទះឃើញលោកចងក និងបានបញ្ជូនទៅមន្ទីរពេទ្យ ប៉ុន្តែហួសពេលទៅហើយ។

គួររម្លឹកដែរថា Haruma Miura បានចាប់ផ្តើមប្រឡូកក្នុងវិស័យសិល្បៈតាំងពីក្មេងមកម្ល៉េះរហូតមកទល់ពេលនេះលោកគឺជាតារាសម្តែងដ៏មានប្រជាប្រិយភាពមួយរូបក្នុងប្រទេសជប៉ុន។ មិនត្រឹមតែប៉ុណ្ណោះ Haruma គឺជាមិត្តភ័ក្តិរបស់ក្រុមតារាចម្រៀងល្បីកូរ៉េ Chanyeol សមាជិកក្រុម Exo ទៀតផង៕

ប្រភព៖ Koreaboo

ប្រែសម្រួល៖ គង់ ចាន់ស្រីនុច

  • អត្ថបទទាក់ទង :
  • Featured
Loading...

ពេញនិយម