Connect with us

Greentea និង Macha ទទួលបានការគាំទ្រខ្ពស់ពីសំណាក់យុវវ័យដោយសារតែឱជារសឈ្ងុយឆ្ងាញ់ និងអាចច្នៃធ្វើជារបស់ញ៉ាំបានច្រើនបែប

ភ្នំពេញ៖ តែបៃតង គឺជាភេសជ្ជៈដ៏ពេញនិយមបំផុតប្រចាំប្រទេសចិន និងជប៉ុន ដែលភាគច្រើនពួកគេនិយមទទួលទានតែក្តៅដោយសារអាកាសធាតុទីនោះត្រជាក់។ យ៉ាងណាមិញ មានមនុស្សមួយចំនួននៅមិនទាន់អាចបែងចែកច្បាស់នៅឡើយរវាង Greentea និង Macha ដែលជាក់ស្តែងគឺវាមានភាពខុសគ្នាតែបន្តិចប៉ុណ្ណោះត្រង់ Greentea ជាប្រភេទស្លឹកតែយកមកឆុង រីឯ Macha ជាប្រភេទម្សៅដែលបានចម្រាញ់ចេញពីស្លឹកតែបៃតង និងមានរសជាតិឈ្ងុយយឆ្ងាញ់ស្រដៀងគ្នា។

សម្រាប់តែបៃតងនេះដែរ ក៏មានភាពពេញនិយមមិនធម្មតាដែរក្នុងព្រះរាជាណាចក្រកម្ពុជាដែលអាចរកបាននៅតាមហាងកាហ្វេ ឬ តាមតូបតូចៗមានស្ទើរគ្រប់កន្លែង ហើយភេសជ្ជៈតែបៃតងនេះដែរ ភាគច្រើនមានការគាំទ្រខ្លាំងពីសំណាក់យុវតី។ មិនត្រឹមតែអាចយកមកធ្វើជាភេសជ្ជៈប៉ុណ្ណោះទេ ប៉ុន្តែតែបៃតងនេះថែមទាំងអាចយកមកច្នៃធ្វើជាបង្អែម ការ៉េម នំ និងរបស់ញ៉ាំជាច្រើនទៀត។

ដោយសារតែឱជារសឈ្ងុយឆ្ងាញ់ ថែមទាំងផ្តល់អត្ថប្រយោជន៍ដល់សុខភាពទៀតនោះ តែបៃតងបានល្បីសុះសាយទូទាំងពិភពលោកដែលអាចឆុងលាយជាមួយទឹកដោះគោខាប់ ដែលភាសាទូទៅគេតែងហៅតែបៃតងទឹកដោះគោ និងមួយបែបទៀតគឺតែបៃតងឆុងធម្មតា សក្តិសមបំផុតសម្រាប់ទទួលទានជាមួយនំ cookies សណ្តែកដី ឬ អាហារសម្រន់ផ្សេងទៀតទៅតាមចំណូលចិត្តរៀងខ្លួន៕

អត្ថបទ៖ គង់ ចាន់ស្រីនុច

  • អត្ថបទទាក់ទង :
  • Featured
Loading...

ពេញនិយម

WP2Social Auto Publish Powered By : XYZScripts.com