ទិន ហ្វី ឆ្លើយមួយម៉ាត់យ៉ាងខ្លីថា “ធ្វើដល់ថ្ងៃ ស្លា ប់” ចំពោះសំនួរដែលសួរថា តើលោកចង់ផលិតភាពដល់ពេលណា

ហុងកុង៖ រយៈពេល ៣៨ ឆ្នាំក្នុងវិស័យសិល្បៈ Stephen Chow គឺជាតារាតែម្នាក់គត់ដែលនៅតែទទួលបានការគាំទ្រ បើទោះបីជាពេលនេះលោកបានផ្អាកសម្តែងហើយក្តី។ ភាពយន្តជាច្រើនដែលជាសមិទ្ធផលរបស់ Stephen បានធ្វើឱ្យទស្សនិកជនមានអារម្មណ៍ធូរស្រាលពីទុក្ខកង្វល់ដោយសារភាពកំប្លុកកំប្លែងដ៏រស់រវើកគ្រប់ភាពយន្តដែលលោកសម្តែង។

ចាប់តាំងពីចូលនិវត្តន៍កាលពីឆ្នាំ ២០០៨ មក Stephen បានផ្តោតសំខាន់លើការផលិតភាពយន្តដើម្បីទុកឱកាសដល់ក្មេងៗជំនាន់ក្រោយបង្ហាញសមត្ថភាព។ ក្នុងបទសម្ភាសមួយដែលត្រូវបានចោទសំនួរទៅកាន់ Stephen ថា “ការផលិតភាពយន្តមានភាពលំបាកខ្លាំងណាស់ តើលោកមានគម្រោងនឹងធ្វើវាដល់ពេលណា?” មិនបង្អង់យូរ ស្តេចកំប្លែង Stephen បានឆ្លើយមួយម៉ាត់យ៉ាងខ្លីថា “ធ្វើដល់ថ្ងៃ ស្លា ប់”។

គួរបញ្ជាក់ដែរថា បើទោះបីជាមិនបង្ហាញវត្តមានក្នុងខ្សែភាពយន្តក្តី ប៉ុន្តែភាពយន្តដែលជាស្នាដៃផលិតរបស់ Stephen គឺសុទ្ធតែទទួលបានការគាំទ្រខ្លាំងរហូតអាចរកចំណូលបានជាច្រើនទៀតផង៕

ប្រភព៖ Zing

ប្រែសម្រួល៖ គង់ ចាន់ស្រីនុច