ស្ងាត់ៗ កញ្ញា ឱក សុគន្ធកញ្ញា ទិញខុនដូ៦ ហើយក្លាយជាអ្នកតំណាងអោយក្រុមហ៊ុនមួយព្រិចភ្នែក

ភ្នំពេញ៖ ស្ងាត់ៗតាតាចម្រៀងដ៏ល្បី កញ្ញា ឱក សុគន្ធកញ្ញា បានចំណាយ​ថវិកា​មិនក្រោម១០ម៉ឺន​ដុល្លារទិញខុនដូ ៦ ធ្វើអោយមានការភ្ញាក់ផ្អើលក្នុងពេលតែមួយ ដល់បុគ្គលិកលក់ក្រុមហ៊ុន The R&F Glory នឹង លោកប្រធានគ្រប់គ្រង​ទូទៅជនជាតិចិនលោក ហ្សូ ក៏បានស្នើរអោយកញ្ញាធ្វើជាអ្នកតំណាងផ្សព្វផ្សាយលក់ឲ្យក្រុមហ៊ុន The R&F Glory នេះតែម្តង។

កញ្ញា ឱក សុគន្ធកញ្ញា វាសនាខ្ពស់ក្លាយជាប្អូនថ្លៃ​ថៅកែផលិតកម្មមួយ ក្រោយភ្ជាប់ពាក្យជាមួយគ្នា ហើយកញ្ញា ឱក សុគន្ធកញ្ញា ក៏សម្រេចចិត្តទិញនូវខុនដូចំនួន៦ និងបានក្លាយជាតំណាងខុនដូមួយរូប របស់ ក្រុមហ៊ុន R&F Glory កាលពីថ្ងៃទី ២៧ ខែកញ្ញា ឆ្នាំ២០១៨។

ការទិញ​ខុនដូ​ច្រើនបែបនេះ ត្រូវបានទស្សនិកជនអ្នកគាំទ្រកើតមន្ទិលថា «កញ្ញារស់នៅម៉េច​អស់ បើទិញច្រើនបែបនេះ ណាមួយសព្វថ្ងៃនេះកញ្ញាមានផ្ទះធំស្រាប់ទៅហើយហ្នឹង» តែកញ្ញា ឱក សុគន្ធកញ្ញា បានប្រាប់ថាការទិញខុនដូច្រើនរបៀបនេះគឺកញ្ញា ទិញសម្រាប់រស់នៅគ្រួសារផង នឹងសម្រាប់ជួល និងពេលខ្លះកញ្ញាលក់យកចំណេញលុយផង ឬទុកសំរាប់បងប្អូនមកលេងម្តងម្កាល ៕  

អត្ថបទ៖ ឡុង រតនា