កម្ពុជា មានអ្នកជាសះស្បើយពីកូវីដ១៩ចំនួន ០៣នាក់ និងរកឃើញករណីថ្មី ០១នាក់

ភ្នំពេញ៖ នៅព្រឹកថ្ងៃទី០៤ ខែសីហា ឆ្នាំ២០២០ ក្រសួងសុខាភិបាល បានជូនដំណឹងពីការរកឃើញវិជ្ជមានជំងឺកូវីដ១៩ ចំនួន ០១នាក់ និងករណីជាសះស្បើយ ០៣នាក់បន្ថែមទៀត។

ករណីវិជ្ជមានចំនួន០១នាក់ទៀតនេះ គឺជាបុរសជនជាតិអាមេរិកកាំង ជាមន្ត្រីការទូតជាន់ខ្ពស់ស្ថានទូតសហរដ្ឋអាមេរិកប្រចាំកម្ពុជា កាន់វីសាប្រភេទ A មានអាសយដ្ឋានស្នាក់នៅស្ថានទូតអាមេរិកប្រចាំកម្ពុជា រាជធានីភ្នំពេញ។

ចំណែកករណីជាសះស្បើយ ០៣នាក់ គឺជា៖

ទី១-បុរសជនជាតិខ្មែរ អាយុ ២៥ឆ្នាំ មានអាសយដ្ឋាននៅភូមិ៣ សង្កាត់៤ ក្រុងព្រះសីហនុ ខេត្តព្រះសីហនុ។

ទី២-បុរសជនជាតិខ្មែរ អាយុ ២៧ឆ្នាំ មានអាសយដ្ឋាននៅភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប។

ទី៣- បុរសជនជាតិអាមេរិកកាំង ជាមន្ត្រីការទូតជាន់ខ្ពស់ស្ថានទូតអាមេរិកប្រចាំកម្ពុជា មានអាសយដ្ឋាននៅស្ថានទូតអាមេរិកប្រចាំកម្ពុជា រាជធានីភ្នំពេញ។

គិតមកទល់ពេលនេះ កម្ពុជា មានអ្នកជាសះស្បើយ ២០០នាក់។ សម្រាកព្យាបាលនៅមន្ទីរពេទ្យ ៣៩នាក់ និងនៅសម្រាកព្យាបាលនៅស្ថានទូតអាមេរិក ២នាក់៕

អត្ថបទ៖ លាភ