តើច្បាស់ទេថា តារាចម្រៀងឆាយ វីរៈយុទ្ធ កំពុងលេងល្បែងស្នេហាត្រីកោណ?

ខណៈប្រជាប្រិយភាពកាន់តែស្ទុះឡើងដូចកាំជណ្តើរ តារាចម្រៀងឈរតំណែងកំពូលលោក ឆាយ វីរៈយុទ្ធ បែរលេចធ្លាយដំណឹងថា តារារូបនេះកំពុងជាប់ជំពាក់នឹងចំណងស្នេហ៍ត្រីកោណទៅវិញ។

ការបែកធ្លាយដំណឹងនេះ ត្រូវបានគេមើលឃើញថា បានកើតឡើងក្រោយពេលតារារូបនេះបានរៀបមង្គលការបានរយៈពេលប្រហែលជាង១ឆ្នាំជាមួយនឹងកូនស្រីថៅកែអង្ករ ហាក់ សែ នៅកំពង់ចាមនោះ។
តាមរយៈប្រជាប្រិយភាពរបស់តារារូបនេះប្រាកដណាស់ថា តារារូបនេះមាននារីស្រស់ស្អាតមិនតិចទេតាមសុំស្នេហ៍ ដូច្នេះហើយទើបមានប្រភពមួយបានបញ្ជាក់ថា សព្វថ្ងៃនេះលោក ឆាយ វីរៈយុទ្ធ កំពុងជាប់ជំពាក់នឹងនារីពីរនាក់ក្នុងពេលតែមួយនោះ។

ប៉ុន្តែជុំវិញព័ត៌មាននេះ ឆាយ វីរៈយុទ្ធ បានបដិសេធទាំងញ័រមាត់ថា៖«ស្នេហានារីពីរនាក់ណាបង ខ្ញុំអត់ដឹងផង នោះប្រហែលពួកគាត់ទើបស្តាប់បទ Original ថ្មីរបស់ខ្ញុំ ហើយអាចនិយាយតគ្នាទៅ ទើបលេចរឿងបែបនេះ។ បើបងមិនជឿស្តាបបទនេះទៅ គឺបទ «ស្រឡាញ់អូនមួយពេល ស្រឡាញ់គេមួយជីវិត»៕