Connect with us

កីឡាការនីបារាំង Fiona Ferro ក្លាយជាជើងឯកការប្រកួតវាយកូនបាល់ WTA Champion ដំបូងគេ ក្នុងកំឡុងការរាតត្បាតនៃជំងឺកូវីដ១៩

បរទេស៖ កីឡាការនីបារាំង Fiona Ferro បានក្លាយជាជើងឯកការប្រកួតវាយកូនបាល់កម្រិត WTA Champion ដំបូងគេ ក្នុងកំឡុងរយៈពេល៥ខែ នៃការរាតត្បាតនៃជំងឺកូវីដ១៩បន្ទាប់ពីនាងបានឈ្នះកីឡាការនីអេស្តូនី Anett Kontaveit នៅវគ្គផ្តាច់ព្រ័ត្រ ពានរង្វាន់ Palermo Ladies Open តាម រយៈលទ្ធផល 6-2 និង 7-5 ។

កម្មវិធី Palermo Ladies Open ដែលធ្វើឡើងនាទីក្រុង Palermo ប្រទេសអ៊ីតាលីនេះ ក៏ជាការប្រកួតកីឡាវាយកូនបាល់ផ្នែកនារីផ្លូវការដំបូងគេដែរ ខណៈការប្រកួតជាច្រើនត្រូវផ្អាក ព្រោះតែជំងឺសាកលនេះ។

ដោយឡែក ក្នុងការប្រកួត កីឡាការនីរួមបុគ្គលិកពាក់ព័ន្ធ ត្រូវអនុវត្តតាមវិធានការរបស់អង្គភាពសុខាភិបាល យ៉ាងតឹងរឹង រួមទាំងការកំណត់ចំនួនអ្នកចូលទស្សនាផងដែរ។

សម្រាប់ជ័យជម្នះខាងលើនេះ កីឡាការនី Fiona Ferro នឹងរំកិលចំណាត់ថ្នាក់របស់ខ្លួនឡើងពី លេខ៥៣ មកកាន់លេខ៤៤ ពេលតារាងចំណាត់ថ្នាក់ធ្វើការផ្លាស់ប្តូរនៅថ្ងៃចន្ទនេះ៕

  • អត្ថបទទាក់ទង :
  • Featured
Loading...

ពេញនិយម