អតីតតារាសម្ដែង ជា ខេវិន ហោះពីអូស្រ្តាលីមកសាងផ្នួសនៅស្រុកកំណើត

២ ឆ្នាំមុន

ខែមិថុនា ៥, ២០១៨ កម្សាន្ត

អតីតតារាសម្ដែង ជា ខេវិន ដែលបានទៅរស់នៅប្រទេសអូស្ត្រាលីជាច្រើនឆ្នាំមកហើយនោះ បានត្រឡប់មកស្រុកកំណើតវិញហើយ ដោយព្រឹកមិញនេះលោកបានសម្រេចចិត្តសាងផ្នួស នៅទីអារាម១នៅក្នុងរាជធានីភ្នំពេញនេះ។

នេះបើតាមការឲ្យដឹងពី លោក លី សុគន្ធ ឪពុករបស់តារាសម្ដែង លី ច័ន្ទសីហា ដែលជា មិត្តភ័ក្ដិស្និទ្ធស្នាលជាមួយអតីតតារាសម្ដែងរូបនេះ ដែលបានទៅចូលរួមពិធីនោះ។

តាមការឲ្យដឹងពីលោក លោក លី សុគន្ធ ការសាងផ្នួស របស់អតីតតារាសម្ដែង ជា ខេវិន គឺជាការបួសមែនទែន តាមក្បួនខ្នាតត្រឹមត្រូវរបស់ព្រះពុទ្ធសាសនា ដោយបួសក្នុងចំណងសងគុណឪពុកម្ដាយរបស់លោក។ សាមណេរ ជា ខេវិន បួសតែរយៈពេល១០ថ្ងៃប៉ុណ្ណោះ នៅវត្តអង្គតាមិញ ។

ក្នុងពិធីបួសនៅព្រឹកមិញនេះ សម្រាប់អ្នកសិល្បៈ សាមណេរ ជា ខេវិន បានអញ្ជើញតែ២នាក់ប៉ុណ្ណោះ ក្នុងនោះមាន លោក កៅ សីហា ដែលជាអ្នកដឹកនាំសម្ដែង នៅផលិតកម្មរស្មីហង្សមាសម្នាក់ទៀត។

លោក លី សុគន្ធ និយាយថា ក្រោយពី លាចាកសិក្ខាបទវិញ អតីតតារាសម្ដែងរូបនេះនិងបន្តទៅរស់នៅប្រទេសអូស្ត្រាលីវិញភ្លាមៗ ហើយតារារូបនេះបានទទួលសញ្ជាតិពីប្រទេសអូស្ត្រាលីជាច្រើនឆ្នាំមកហើយ៕