ស្ទូឌីយោ “20th Century Fox” ដ៏ល្បីនៅហូលីវូដ ត្រូវបានប្រកាសរំសាយជាផ្លូវការ

ញូវយ៉ក៖ ស្ទូឌីយោ 20th Century Fox ដែលមនុស្សជាច្រើនបានស្គាល់ ត្រូវបានរំសាយជាផ្លូវការ។ នេះបើយោងតាមសេចក្ដីប្រកាសរបស់ផលិតកម្ម Disney នៅថ្ងៃចន្ទ ទី១១ ខែសីហា ឆ្នាំ២០២០។

ផលិតកម្ម Disney បានឱ្យដឹងថា ខ្លួននឹងផ្លាស់ប្ដូរស្ទូឌីយោ 20th Century Fox ជំនួសដោយ 20th Television ។ ការរំសាយឈ្មោះនេះ គឺបន្ទាប់ពី Dineys បានទិញភាគហ៊ុនជាច្រើនរបស់ក្រុមហ៊ុន Fox ក្នុងតម្លៃ ៧១ពាន់លានដុល្លារ កាលពីឆ្នាំមុន។

20th Century Fox ត្រូវបានបង្កើតឡើងនៅក្នុងឆ្នាំ១៩៣៥ ដោយការរួមបញ្ចូលគ្នារវាង Twentieth Century Pictures និង Fox Films ។ ស្ទូឌីយោនេះ ទទួលការភាពជោគជ័យជាខ្លាំងក្នុងហូលីវីដ តាមរយៈភាពយន្ត “Star Wars” “The Sound of Music” “Die Hard” និង “Home Alone” ៕

ប្រភព៖ CNN

ប្រែសម្រួល៖ លាភ