Tottenham Hotspur សម្រេចទិញបានខ្សែបម្រើ Pierre- Emile Hojbjerg

Premier League៖ ក្លិប Tottenham Hotspur ឈានដល់កិច្ចព្រមព្រៀងនាំយកខ្សែបម្រើ Pierre- Emile Hojbjerg សញ្ជាតិដាណឺម៉ាក ក្នុងតម្លៃប្រហែល ១៥ លានផោនលើកិច្ចសន្យា ៥ ឆ្នាំ ដែលផ្ទេរពី Southampton ហើយនេះជាការចុះកិច្ចសន្យាលើកដំបូងរបស់ក្លិបមាន់ខ្នាយមាសផងដែរ នៅទីផ្សារដោះដូរកីឡាករនេះរដូវក្ដៅនេះ។

នៅក្នុងកិច្ចព្រមព្រៀងផ្ទេរនេះផងដែរខ្សែកាពារ Kyle Walker-Peters វ័យ ២៣ ឆ្នាំ បានក៏បានក្លាយជាចំណែកមួយផងដែរពោលគឺគេចាកចេញពី Spurs ទៅចូលរួមជាមួយ Southampton វិញដោយចុះហត្ថលេខាលើកិច្ចសន្យារយៈពេល ៥ ឆ្នាំនៅកីឡដ្ឋាន St Mary។

សូមបញ្ចាក់ផងដែរថា Hojbjerg បង្ហាញខ្លួន ១៣៤ ប្រកួតឱ្យ Southampton ហើយរូបគេធ្លាប់ជាសមាជិក Bayern Munich ក្នុងឆ្នាំ ២០១៦ ។ ប្រធានក្រុម Southampton រូបនេះ នឹងធ្វើការជាមួយលោក Jose Mourinho នារដូវកាលក្រោយ៕