គោលដៅទេសចរណ៍ប្រវត្តិសាស្រ្តថ្មី លើទឹកដីខេត្តព្រះវិហារ

ព្រះវិហារ៖ តំបន់ប្រវត្តិសាស្រ្តជាំតែ (ផ្ទះតាម៉ុក)
មានទីតាំងនៅលើជួរភ្នំដងរែក ជាប់នឹងព្រំដែន កម្ពុជា-ថៃ ស្ថិតនៅភូមិតេជោបុស្សស្បូវ ឃុំស្រអែម ស្រុកជាំក្សាន្តខេត្តព្រះវិហារ។

តំបន់ប្រវត្តិសាស្ត្រជាំតែ មានចម្ងាយប្រហែល ៤ គីឡូមែត្រ ពីទីតាំងទឹកធ្លាក់បុស្សស្បូវ។ នៅទីនេះ ភ្ញៀវទេសចរអាចធ្វើដំណើរទៅទស្សនាសិក្សាស្វែងយល់ និងទៅលេងកម្សាន្តបានគ្រប់រដូវកាល។ គេត្រូវធ្វើដំណើរចេញពីផ្លូវបំបែក (៦២.A) បំបែកត្រង់ចំណុចទៅភូមិតេជោសែនជ័យ ចម្ងាយផ្លូវប្រហែល ២៥ គ.ម។ រីឯផ្លូវមួយទៀត ចេញពីផ្លូវបំបែក (ស្វាយជ្រុំ) ជិតភ្នំប្រាសាទព្រះវិហារ មានចម្ងាយប្រហែល ១៥ គ.ម តាមផ្លូវគ្រួសក្រហម។

ចំណុចទាក់ទាញនៃតំបន់ប្រវត្តិសាស្ត្រជាំតែ គឺយើងអាចទស្សនាប្រាសាទព្រះវិហារ ទស្សនាទឹកធ្លាក់បុស្សស្បូវ ទស្សនាតំបន់ប្រវត្តិសាស្រ្តផ្ទះតាម៉ុក នៅជាំតែ ជាប់ព្រំដែនកម្ពុជា-ថៃ៕