លោក ស៊ីនហ្សូ អាបេ នាយករដ្ឋមន្ត្រីជប៉ុន នឹងប្រកាសលាលែងពីតំណែង

ជប៉ុន៖ លោក ស៊ីនហ្សូ អាបេ នាយករដ្ឋមន្ត្រីជប៉ុន នឹងប្រកាសលាលែងពីតំណែង ដោយសារបញ្ហាសុខភាព នៅពេលឆាប់ៗនេះ។ នេះជាការចុះផ្សាយរបស់សារព័ត៌មាន BBC នៅរសៀលថ្ងៃសុក្រ ទី២៨ ខែសីហា ឆ្នាំ២០២០។

លោក អាបេ ត្រូវបានរាយការណ៍ថា មានបញ្ហាជំងឺទាក់ទងនឹងពោះវៀន អស់រយៈពេលជាច្រើនឆ្នាំមកហើយ ប៉ុន្តែស្ថានភាពជំងឺរបស់លោក ទើបតែធ្វើទុក្ខខ្លាំងនៅពេលមួយរយៈចុងក្រោយនេះ។

លោកអាបេ ដែលមានវ័យ៦៥ឆ្នាំ ត្រូវបានរាយការណ៍ថា លោកមិនចង់ឱ្យមានបញ្ហាចម្រូងចម្រាសនៅក្នុងរដ្ឋាភិបាលរបស់លោកឡើយ ទើបលោក មានបំណងប្រកាសលាលែងពីតំណែង៕

ប្រភព៖ BBC

ប្រែសម្រួល៖ លាភ