កីឡាករ Chelsea ជាច្រើនរូប រកឃើញមានជំងឺកូវីដ១៩

Premier League៖ កីឡាករ Chelsea ជាច្រើនរូប ត្រូវបានរកឃើញថា មានលទ្ធផលវិជ្ជមានជំងឺកូវីដ១៩។ នេះបើតាមការផ្សព្វផ្សាយពីសារព័ត៌មាននៅអង់គ្លេស។

ការរកឃើញនេះ បន្ទាប់ពីពួកគេ បានវិលត្រឡប់មកហ្វឹកហាត់វិញ សម្រាប់ការប្រកួតកម្តៅសាច់ដុំ មុនបើករដូវកាល។
ទោះយ៉ាងណា មិនទាន់មានការបង្ហាញអត្តសញ្ញាណកីឡាករដែលមានជំងឺនេះទេ ខណៈក្លិប Chelsea ក៏មិនទាន់ចេញមកបកស្រាយពីស្ថានការណ៍នេះដែរ។

ចំពោះកីឡាករដែលរកឃើញមានជំងឺកូវីដ១៩ នឹងត្រូវដាក់ខ្លួនដាច់ដោយឡែករយៈពេល១៤ថ្ងៃ ហើយពួកគេអាចវិលចូលទីលានហ្វឹកហាត់វិញ លុះតា្រតែការធ្វើតេស្តចេញលទ្ធផលអវិជ្ជមាន។
ដោយឡែក ក្រៅពីក្លិប Chelsea ហើយ ក្លិបនៅ Premier League មួយចំនួនទៀតដូចជា Sheffield United, Brighton និង West Ham United ក៏ត្រូវរកឃើញថា កីឡាកររបស់ពួកគេមានជំងឺកូវីដ១៩ដែរ នៅប៉ុន្មានសប្តាហ៍ចុងក្រោយនេះ៕