“ឌុច គ្រូលត់ដំនៅឋាននរក” ភាពយន្តឯកសារដែលនឹងបង្ហាញជូនទស្សនិកជននៅមជ្ឈមណ្ឌល បុប្ជាណា

ភ្នំពេញ៖ ទណ្ឌិត កាំង ហ្កេកអ៊ាវ ហៅ ឌុច បានទទួលមរណភាពកាលពីវេលាម៉ោង ០០:៥១ នាទីថ្ងៃទី០២ ខែកញ្ញា ឆ្នាំ២០២០។ ឌុច គឺជាបុគ្គលមួយរូបដែលគ្រប់គ្នាបានដឹងថា ជាមេគុកទួលស្លែងដែលបានសម្លា ប់មនុស្សអស់រាប់ម៉ឺននាក់។

យ៉ាងណាមិញ មុនពេល ឌុច ទទួលមរណភាព កំពូលផលិតករលោក ឬទ្ធី ប៉ាន់ បានធ្វើការស្រាវជ្រាវ ក៏ដូចជាសាកសួររឿងរ៉ាវដោយផ្ទាល់ជាមួយ ឌុច នៅមន្ទីរឃុំឃាំងផ្ទាល់ ដើម្បីផលិតជាភាពយន្តឯកសារទុកសម្រាប់ក្មេងៗជំនាន់ក្រោយមើល។

យោងតាមគណនីបណ្តាញសង្គមរបស់លោក ឬទ្ធី ប៉ាន់ ផ្ទាល់បានជូនដំណឹងដល់មហាជនដែលជនដឹងសាច់រឿងកាន់តែច្បាស់ពីខ្សែជីវិត និងអារម្មណ៍របស់ ឌុច អាចនាំគ្នាអញ្ជើញទៅទស្សនាផ្ទាល់នៅមជ្ឈមណ្ឌល បុប្ជាណា ចាប់ពីថ្ងៃនេះតទៅក្រោមចំណងជើងថា “ឌុច គ្រូលត់ដំនៅឋាននរក”។

គួរបញ្ជាក់ដែរថា ផលិតករដ៏ល្បីលោក ឬទ្ធី ប៉ាន់ ធ្លាប់បាននិពន្ធភាពយន្តឯកសារអំពី ស២១ ដោយទទួលបានពានរង្វាន់ជាច្រើនផងដែរ។ ដូចនេះ ចង់ដឹងសាច់រឿងជីវិតពិតរបស់មេគុក កាំង ហ្កេកអ៊ាវ ហៅ ឌុច កាន់តែច្បាស់ កុំភ្លេចទៅទស្សនានៅមជ្ឈមណ្ឌល បុប្ជាណា ទាំងអស់គ្នា៕

(ទស្សនាវីដេអូ)