Connect with us

Bundesliga អនុញ្ញាតឱ្យក្លិប RB Leipzig មានអ្នកទស្សនាផ្ទាល់ខ្លះៗដំបូងគេ

អាល្លឺម៉ង់៖ RB Leipzig បានក្លាយជាក្លិបនៅក្របខណ្ឌ Bundesliga ដំបូងគេ ដែលត្រូវបានអនុញ្ញាតឱ្យមានអ្នកគាំទ្រខ្លះៗអាចចូលទស្សនាការប្រកួតរបស់ពួកគេនាកីឡដ្ឋានវិញ ពេលបើក រដូវកាលនាថ្ងៃទី ២០ ខែកញ្ញាខាងមុខ។

អាជ្ញាធរសុខាភិបាលអាល្លឺម៉ង់ បានផ្តល់ភ្លើងខៀវ ឱ្យមានអ្នកគាំទ្រអាចចូលទស្សនាវិញបែបនេះ ប៉ុន្តែត្រូវកំណត់ចំនួនត្រឹមតែ ៨៥០០នាក់ ប៉ុណ្ណោះ។

RB Leipzig នឹងត្រូវប៉ះក្រុម Mainz (ម៉េន) នៅថ្ងៃបើករដូវកាលនោះ ហើយអ្នកគាំទ្រដែលចូលទស្សនាការប្រកួតដោយផ្ទាល់ត្រូវអនុវត្តវិធានការការពារដូចជាពាក់ម៉ាស និងត្រូវបំបែកជាក្រុមតូចៗ។

សូមបញ្ជាក់ថា ក្លិបនៅក្របខណ្ឌ Bundesliga បានលេងដោយគ្មានអ្នកគាំទ្រចាប់តាំងពីខែមីនាមក ដោយសារជំងឺរាតត្បាតកូវីដ១៩៕

  • អត្ថបទទាក់ទង :
  • Featured
Loading...

ពេញនិយម