Connect with us

ទិដ្ឋភាពនៃការអនុវត្តន៍ស្តង់ដាអនាម័យអំឡុងពេលបើកដំណើរការសាលារៀនឡើងវិញក្នុងដំណាក់កាលទី ២

សង្គម៖ ក្រោយពីសាលារៀនទូទាំងប្រទេសបានបិទទ្វារអស់រយៈពេល ៦ ខែដោយសារបង្ការការរីករាលដាលនៃជំងឺកូវីដ-១៩ នាព្រឹកថ្ងៃចន្ទ នេះតាមសាលារៀនមួយចំនួនបានបើកដំណើរការឡើងវិញក្នុងដំណាក់កាលទី ២ដោយត្រូវអនុវត្តនូវស្តង់ដាអនាម័យតាមគោលការណ៍ប្រតិបត្តិស្តង់ដារ (SOP) របស់ក្រសួងសុខាភិបាល។

យោងតាមការណែនាំរបស់ក្រសួងអប់រំ យុវជន និងកីឡា បានកំណត់ឱ្យសាលារៀន ត្រូវរៀបចំបរិស្ថានសិក្សាប្រកបដោយសុវត្ថិភាព បរិយាបន្ន ផាសុកភាព និងមេត្រីភាព។ កៅអីអង្គុយសម្រាប់សិស្សានុសិស្ស ត្រូវរក្សាគម្លាតសុវត្ថិភាពយ៉ាងហោចណាស់ ២ ម៉ែត្រ និងរៀបចំចំណុះថ្នាក់ ដោយកំណត់សិស្សមិនឱ្យលើសពី១៥ ទៅ២០នាក់ក្នុងមួយថ្នាក់ឡើយ។

សិស្សានុសិស្សទាំងអស់ មុនពេលចូលសាលាតម្រូវឱ្យមានការវាស់កម្តៅ វាយត្រាសម្គាល់ លាងសម្អាតដៃកម្ចាត់មេរោគ ពាក់ម៉ាស់ ឬរបាំងមុខ និងកាត់បន្ថយការប្រមូលផ្ដុំជាដើម។ សូមជម្រាបថា ការបើកទ្វារសាលារៀនឡើងវិញ នៃគ្រឹះស្ថានសិក្សារដ្ឋ អនុវត្តសម្រាប់តែថ្នាក់ទី៩ និងទី១២ប៉ុណ្ណោះ ដោយឡែកសម្រាប់ខេត្តចំនួន៤ទៀតរួមមានខេត្តក្រចេះ ស្ទឹងត្រែង រតនគិរី និងមណ្ឌលគិរី ដែលមានអត្រាឆ្លងកូវីដ-១៩ កម្រិតទាប ក្រសួងបានអនុញ្ញាតឱ្យបើកដំណើរការគ្រប់កម្រិតសិក្សាតាំងពីថ្នាក់១ ដល់ទី១២៕

ប្រភព៖ ក្រសួងអប់រំ

  • អត្ថបទទាក់ទង :
  • Featured
Loading...

ពេញនិយម