កម្ពុជា សល់តែម្នាក់ទៀតនោះទេ កំពុងសម្រាកព្យាបាល ខណៈអ្នកជាសះស្បើយពីជំងឺកូវីដ-១៩ក្នុងថ្ងៃនេះ មាន១នាក់បន្ថែមទៀត

ភ្នំពេញ៖ ក្រសួងសុខាភិបាលចេញសេចក្ដីប្រកាសនៅថ្ងៃសុក្រទី៨ ខែកញ្ញា ឆ្នាំ២០២០ គិតត្រឹមម៉ោង ០៧:០០ព្រឹក បានបញ្ជាក់ឱ្យដឹងថា សម្រាប់ថ្ងៃនេះកម្ពុជាមានករណីអ្នកជាសះស្បើយនៃជំងឺកូវីដ-១៩ បន្ថែមចំនួន១នាក់ទៀត ជាបុរសជនជាតិខ្មែរ អាយុ៣០ឆ្នាំ ស្នាក់នៅរាជធានីភ្នំពេញ  ធ្វើដំណើរត្រលប់មកពីប្រទេសបារាំង តាមជើងហោះហើរពីប្រទេសថៃ និងតៃវ៉ាន់ ត្រូវបានព្យាបាលជាសះស្បើយនៅក្នុងថ្ងៃនេះ។

អ្នកមានវីរុសកូវីដ-១៩ សរុបចំនួន ២៧៤នាក់ (ស្ត្រី ៥៤ និង បុរស ២២០នាក់)
មកដល់ថ្ងៃនេះកម្ពុជាព្យាបាលជាសះស្បើយជំងឺកូវីដ-១៩ ចំនួន ២៧៣នាក់ នៅសល់អ្នកជំងឺកូវីដ-១៩ ដែលកំពុងសម្រាកព្យាបាលនៅមន្ទីរពេទ្យ  ចំនួន១នាក់តែប៉ុណ្ណោះ៖

+ជាបុរសជនជាតិខ្មែរ ត្រូវបានបញ្ជូនមកពីមណ្ឌលសុខភាពចាក់អង្រែ រាជធានីភ្នំពេញ មកសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត៕

អត្ថបទ៖ ឡុង រតនា