Connect with us

តើមាតាបិតា និងអ្នកអាណាព្យាបាល គួរធ្វើដូចម្តេចខ្លះ?

ភ្នំពេញ៖ ខណ:ពេលដែលក្រសួងអប់រំ យុវជន និងកីឡា បានប្រកាសឱ្យបើកដំណើរការគ្រឹះស្ថានសិក្សាឡើងវិញក្នុងដំណាក់កាលទី២នោះ ក្រសួងបានផ្ញើសារទៅកាន់មាតាបិតា និងអ្នកអាណាព្យាបាល ក្នុងការជួយកូនៗ ក្នុងពេលចូលរៀន ដើម្បីបង្ការខ្លួនពីជំងឺកូវីដ១៩។ ក្នុងសាររបស់ក្រសួងអប់រំ បានណែនាំទៅកាន់មាតាបិតា និងអ្នកអាណាព្យាបាល ដូចជា៖

-សូមគិតពីអនាគតកូន ដោយបញ្ចូនពួកគេឱ្យទៅរៀនវិញ និងចូលរួមធ្វើឱ្យសាលាមានសុវត្ថិភាព។

-លើកទឹកចិត្តកូនឱ្យចេះការពារខ្លួន ដោយឱ្យគេចេះពីរបៀបបង្ការកុំឱ្យឆ្លងជំងឺកូវីដ១៩

-ប្រាប់កូនឱ្យលាងដៃ ពាក់ម៉ាស និងខ្ទប់មាត់ និងច្រមុះនៅពេលពួកគេក្អកឬកណ្តាស់ និងរក្សាចម្ងាយសុវត្ថិភាពពីអ្នកដទៃ។

-ប្រសិនកូនអ្នកមានអាការក្អក ហៀរសំបោរ ក្តៅខ្លួន ឬមានកម្តៅលើសពី ៣៧,៥ អង្សារសេ សូមឱ្យពួកគេសម្រាកនៅផ្ទះ។

-និងចុងក្រោយ ប្រសិនកូនមានអារម្មណ៍មិនសប្បាយចិត្ត ព្រួយបារម្មណ៍ ឬមានបង្វល់ សូមលើកទឹកចិត្តឱ្យពួកគេពិភាក្សា ឬសួរសំណួរទៅអ្នក។

ទាំងនេះគឺជាការជួយកូនៗ ដើម្បីបង្ការខ្លួនពីជំងឺកូវីដ១៩ ក្នុងពេលចូលរៀនឡើងវិញ៕

ប្រភព៖ ក្រសួងអប់រំ យុវជន និងកីឡា

អត្ថបទ៖ ណារ៉ូត

  • អត្ថបទទាក់ទង :
  • Featured
Loading...

ពេញនិយម