វិបត្តិកូវីដ១៩ នៅមិនទាន់បញ្ចប់ទាំងស្រុង អ្នកបម្រើការលើយន្តហោះចាប់យកអាជីវកម្មបន្តិចបន្តួចដើម្បីជីវភាព

សង្គម៖ ការផ្ទុះឡើងនៃវីរុសកូវីដ ១៩ បានធ្វើឱ្យសេដ្ឋកិច្ចធ្លាក់ចុះយ៉ាងគំហុក បើក្រឡេកមើលពីវិស័យអាកាសទេសចរណ៍វិញ ជើងយន្តហោះគ្រប់បណ្តាប្រទេសត្រូវផ្អាកមួយរយៈរហូតធ្វើឱ្យបុគ្គលិកបម្រើការលើយន្តហោះត្រូវបាត់បង់ការងារអស់ជាច្រើននាក់ផងដែរ។

យោងតាមរូបភាពដែលបានចែកចាយក្នុងបណ្តាញសង្គមបានបង្ហាញពីជីវភាព និងមុខរបររបស់អ្នកបម្រើការលើយន្តហោះក្នុងប្រទេសអាស៊ីមួយចំនួនបានព្យាយាមលក់របស់ខ្លះៗជំនួសវិញដើម្បីទទួលបានប្រាក់ចំណូលដើម្បីផ្គត់ផ្គង់ជីវភាព។

ក្នុងរូបភាពដែលបានបង្ហាញនោះ ឃើញថាអ្នកខ្លះបានចាប់មុខរបរជាអ្នកលក់ឡេ ហើយខ្លះទៀតក៏ចាប់មុខរបរលក់ម្ហូប និងភេសជ្ជៈជាដើម។ ទោះជាមិនទាន់អាចចាប់ផ្តើមការងារដែលខ្លួនស្រលាញ់នៅពេលនេះក្តី ក៏អាជីវកម្មបន្តិចបន្តួចនេះគឺជាគំនិតច្នៃប្រឌិតមួយដែលពួកគេបានចាប់ផ្តើម ដើម្បីដោះស្រាយជីវភាពអំឡុងពេលវិបត្តិកូវីដ១៩នៅមិនទាន់បានបញ្ចប់ទាំងស្រុង៕

ប្រភព៖ Flyhigh Manila

អត្ថបទ៖ គង់ ចាន់ស្រីនុច