ទឹកត្នោតជូរ ផ្អែម បានផឹកហើយជាប់មាត់មិនណយ

កម្សាន្ត: ទឹកត្នោតជូរ និងទឹកត្នោតផ្អែមគឺជាភេសជ្ជៈតំណាងឱ្យកម្ពុជាដែលកាលពីមុនយើងអាចស្វែងរកបានស្ទើរគ្រប់កន្លែងសូម្បីនៅតាមសាលាបឋមសិក្សាក្តី។ ប៉ុន្តែមកទល់ពេលនេះ រាជធានីភ្នំពេញហាក់លែងមានវត្តមានទៀតហើយ ស្របពេលដែលផលិតផលជាច្រើនបានវាយលុកទីផ្សារកាន់តែខ្លាំង។

យ៉ាងណាក៏ដោយ បងប្អូនខ្មែរយើងនៅតែចូលចិត្តផឹកទឹកត្នោតដែលអាចស្វែងរកបានតាមបណ្តាខេត្តនានាក្នុងប្រទេសកម្ពុជា។ ដើមត្នោតចំនួន ១៣ ដើមគឺអាចចម្រាញ់ចេញជាទឹកត្នោតចន្លោះប្រមាណពី ៥០ ទៅ ៨០ លីត្រដោយត្រូវការចំណាយពេលវេលា និងគ្រឿងផ្សំមួយចំនួនទម្រាំតែអាចដាក់លក់បាន។

ទោះបីជាមិនសូវមានចរាចរណ៍ខ្លាំងដូចពីមុនក៏ដោយ ក៏ទឹកត្នោតជូរ និងផ្អែមនៅតែមានការពេញនិយមពីសំណាក់បងប្អូនខ្មែរយើងដដែល ជាពិសេសវាពិតជាបានរម្លឹកដល់អនុស្សាវរីយ៍ល្អៗពីកុមារភាពដោយសារតែរសជាតិដ៏ឈ្ងុយឆ្ងាញ់មានទាំងជូរ មានទាំងផ្អែមនេះហើយទើបធ្វើឱ្យយើងបានផឹកហើយគឺដឹងតែចង់ផឹកទៀតតែម្តង៕

អត្ថបទ៖ គង់ ចាន់ស្រីនុច