Connect with us

លទ្ធផលសំណាក របស់ព្រះសង្ឃទាំង​ ២១អង្គ នៅវត្តស្វាយដង្គុំ​ គឺអវិជ្ជមាន​កូវីដ១៩

បាត់ដំបង៖ លទ្ធផលសំណាកតេស្តនៅវិទ្យាស្ថានប៉ាស្ទ័រ បានបង្ហាញថា ព្រះសង្ឃទាំង​ ២១អង្គ នៅវត្តស្វាយដង្គុំ​ គឺអវិជ្ជមាន​ ( Negative) ប៉ុន្តែមាន​ មេរោគផ្តាសាយ​ ចំនួន​ ២០​អង្គ។ នេះបើតាមការឱ្យដឹងពីមន្ទីរសុខាភិបាលខេត្តបាត់ដំបង នៅយប់ថ្ងៃទី១៤ ខែកញ្ញា ឆ្នាំ២០២០។

ក្រសួងសុខាភិបាល បានអំពាវនាវដល់សាធារណៈជន​ បន្តអនុវត្តវិធានការអនាម័យ​ លាងដៃ​ ពាក់ម៉ាសឱ្យបានត្រឹមត្រូវនៅទីសាធារណៈ​ ជាពិសេសរក្សាគម្លាតសុវត្ថិភាពបុគ្គល​ និងគម្លាតសុវត្ថិភាពសង្គម។

ព្រះសង្ឃចំនួន ៤៦អង្គ បានកើតរោគ ក្អក ហៀរសំបោរ​ អស់រយៈពេល៦ថ្ងៃមកហើយ និងមានអាការៈក្តៅខ្លួនដល់ ៣៧,៥អង្សា បានសម្រេចនិមន្តទៅមន្ទីរពេទ្យ និងបានកំពុងសម្រាកព្យាបាលនៅមន្ទីរពេទ្យខេត្តបាត់ដំបង នៅយប់ថ្ងៃទី១៣ ខែកញ្ញា ឆ្នាំ២០២០។

ប្រភពខាងលើបានឱ្យដឹងថា ព្រះសង្ឃទាំង ៤៦អង្គនោះ មានព្រះជន្មពី១១-១៩ព្រះវស្សា​ គង់នៅវត្តស្វាយដង្គំ ស្រុកឯកភ្នំ ដែលនិមន្តមកពីតាមបណ្តាខេត្តនានា ដើម្បីសិក្សានៅសាលាពុទ្ធិកៈបឋមសិក្សាក្នុងវត្តនេះ​ ហេីយទទួលការព្យាបាលបានធូរស្រាលខ្លះៗហើយ។

ទន្ទឹមនឹងនោះ ក្រុមគ្រូពេទ្យ បានធ្វើការណែនាំដល់លោកអាចារ្យ គណៈគ្រប់គ្រងសាលាពុទ្ធិកៈ ឱ្យចេះអនុវត្តនូវវិធានអនាម័យការពារខ្លួន ពាក់ម៉ាស និងឆាន់ទឹកក្តៅជាដើម៕

ដោយ៖ លាភ

  • អត្ថបទទាក់ទង :
  • Featured
Loading...

ពេញនិយម

WP2Social Auto Publish Powered By : XYZScripts.com