Connect with us

ខណៈពេលដែល Shuqi និងស្វាមីមិនទាន់រកកន្លែងស្នាក់នៅបាន Ruby Lin បានឱ្យ Apartment របស់នាងស្នាក់នៅដោយមិនរារែក

តៃវ៉ាន់៖ Shuqi ធ្លាប់បាននិយាយក្នុងបទសម្ភាសមួយថា ក្នុងវិថីសិល្បៈពិបាកនឹងរកមនុស្សដែលរាប់អានពិតប្រាកដណាស់ អ្វីៗគ្រប់យ៉ាងគឺពោរពេញទៅដោយការសម្តែង។ ទោះបីជាក្នុងពិភពសិល្បៈសម្បូរទៅដោយមនុស្សលាក់ពុតច្រើនមែនពិត ប៉ុន្តែតារាសម្តែងស្រីរូបនេះ នៅតែអាចរកបានមិត្តយល់ចិត្ត Ruby Lin ដែលមានចំណងមិត្តភាពជាមួយគ្នាអស់រយៈពេលជាង ២០ ឆ្នាំមកហើយ។

មកទល់ពេលនេះ ទោះបីជាអ្នកទាំង ២ មានគ្រួសាររៀងខ្លួនហើយក៏ដោយ ក៏ចំណងមិត្តភាពរបស់ស្រីស្អាតទាំង ២ នេះនៅតែមិនមានអ្វីផ្លាស់ប្តូរឡើយ។ យោងតាមប្រភពសារព័ត៌មាន Todayonline បានបញ្ជាក់កាលពីពេលថ្មីៗនេះថា Ruby បានឱ្យ Shuqi និងស្វាមីលោក Stephen ស្នាក់នៅក្នុងអាផាតមិនរបស់នាងមួយរយៈដោយសារអំឡុងពេលនេះ Shuqi នៅមិនទាន់អាចរកកន្លែងស្នាក់នៅនាកោះតៃវ៉ាន់បាននៅឡើយ។

គួរបញ្ជាក់ថា Ruby Lin និងគ្រួសារទើបតែបានផ្លាស់ប្តូរកន្លែងស្នាក់នៅថ្មី ដូចនេះហើយទើបនាងបានផ្តល់អាផាតមិនចាស់ដែលនាងធ្លាប់ស្នាក់នៅឱ្យមិត្តសម្លាញ់ Shuqi ស្នាក់នៅមួយរយៈ។ ជឿថា ទង្វើរទាំងនេះហើយជាមិត្តភាពដែលមនុស្សគ្រប់គ្នាប្រាថ្នាចង់បាន៕

ប្រភព៖ Todayonline

ប្រែសម្រួល៖ គង់ ចាន់ស្រីនុច

  • អត្ថបទទាក់ទង :
  • Featured
Loading...

ពេញនិយម