អាកាសចរណ៍ជាតិកម្ពុជាអង្គរអ៊ែរ ចាប់ផ្ដើមប្រតិបត្តិការជើងហោះហើរថ្មីរវាង រាជធានីភ្នំពេញ-ក្រុងចឹងចូវ

ភ្នំពេញ៖ នៅថ្ងៃចន្ទ ទី២១ ខែកញ្ញា ឆ្នាំ២០២០នេះ ក្រុមហ៊ុនអាកាសចរណ៍ជាតិកម្ពុជា អង្គរអ៊ែរ បានបើកដំណើរការជាផ្លូវការសម្រាប់ជើងហោះហើរត្រង់ថ្មីរវាង រាជធានីភ្នំពេញ និងទីក្រុងចឹងចូវ (Zhengzhou) ប្រទេសចិន។

បើយោងតាមក្រុមហ៊ុនអាកាសចរណ៍ជាតិកម្ពុជាអង្គរអ៊ែរ បានឱ្យដឹងថា ជើងហោះហើរត្រង់ រាជធានីភ្នំពេញ-ទីក្រុងចឹងចូវ ប្រតិបត្តិការចំនួន ១លើកក្នុងមួយសប្ដាហ៍ ដោយចាកចេញពីភ្នំពេញ នៅម៉ោង១៣:៣៥នាទី ទៅដល់ក្រុងចឹងចូវម៉ោង ១៨:៣០នាទី តាមរយៈជើងហោះហើរលេខ K6 894 ហើយធ្វើការវិលត្រឡប់ពីក្រុងចឹងចូវនៅម៉ោង ១៩:៣០នាទី មកដល់រាជធានីភ្នំពេញ នៅម៉ោង២២:៥៥នាទី ថ្ងៃដដែល តាមរយៈជើងហោះហើរលេខ K6 895 ។

សូមជម្រាបថា នៅប្រទេសចិន ម៉ោងដើរមុន កម្ពុជា ចំនួន១ម៉ោង៕

អត្ថបទ៖ លាភ