ខួបវ័យ ២៥ ឆ្នាំរបស់តារាសម្តែងភ្លោះ Camilla Kittifvat និង Nicole Kittivat សាមញ្ញៗត្រឹមអាហារពេលល្ងាចជុំមិត្តភ័ក្តិកាលពីយប់មិញ

ប្រទេសថៃ៖ កន្លងមក MyTV Plus ធ្លាប់បានធ្វើការចុះផ្សាយពីតារាសម្តែងភ្លោះកូនកាត់ថៃ-អាល្លឺម៉ង់ Camilla Kittivat និង Nicole Kittivat រួចមកហើយដែលអ្នកទាំង ២ បានធ្វើឱ្យទស្សនិកជនមិនអាចបែងចែកដឹងឡើងថាអ្នកណាបង អ្នកណាប្អូន ព្រោះបងប្អូនភ្លោះមួយគូនេះគឺមានមុខមាត់ដូចគ្នាខ្លាំង ស្របពេលដែលកូនភ្លោះខ្លះមានមុខមាត់ខុសគ្នាដាច់ស្រឡះ។

អ្វីដែលពិសេសសម្រាប់អ្នកទាំង ២ គឺថ្ងៃនេះជាថ្ងៃកំណើតឈានចូលវ័យ ២៥ ឆ្នាំដែលមានការចូលរួមជូនពរពីសំណាក់អ្នកគាំទ្រ មិត្តក្នុងសិល្បៈ ក៏ដូចជាមិត្តក្រៅសិល្បៈផងដែរ។
បងប្អូនភ្លោះមួយគូនេះតែងបង្ហាញក្តីស្រលាញ់ ការយកចិត្តទុកដាក់នឹងគ្នារហូតធ្វើឱ្យមនុស្សមួយចំនួនកោតស្ញប់ស្ញែងខ្លាំងតែម្តង។

ក្នុងពិធីជប់លៀងមុនថ្ងៃកាលពីយប់មិញ ទោះមិនមែនជាពិធីអធិកអធម៌ក៏ដោយ ក៏ការចូលរួមពីមិត្តភ័ក្តិមួយចំនួនហាក់មានន័យគ្រប់គ្រាន់សម្រាប់អ្នកទាំង ២ ជាមួយនឹងនំខេករូបបេះដូងបង្កប់ទៅដោយអត្ថន័យការស្រលាញ់ និងការរាប់អានដោយចេញពីចិត្ត។ តោះ កុំឱ្យខាតពេលយូរ ទៅទស្សនារូបភាពទាំងអស់គ្នា៕