Connect with us

ស ពទារក ដែលទើបនឹងកើតត្រូវបានស្រ្តីម្នាក់រុំថង់ខ្មៅយកទៅប្លុងចោលនៅវត្តភ្នំ

ភ្នំពេញ៖ សពទារកម្នាក់ត្រូវបានស្រ្តីម្នាក់យកទៅប្លុងចោលក្នុងធុងសំរាមនៅរង្វង់មូលវត្តភ្នំដែលបង្កការភ្ញាក់ផ្អើលដល់កម្លាំងសមត្ថកិច្ច និងប្រជាពលរដ្ឋចោមរោមមើល។

ហេតុការណ៍នេះកើតឡើងកាលពីម៉ោង ៧និង៣០នាទីព្រឹកថ្ងៃទី២៣ ខែកញ្ញា ឆ្នាំ២០២០ ចំណុចរង្វង់មូល នាឡិការ វត្តភ្នំស្ថិតនៅក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

ស្ត្រីម្នាក់ជាអ្នកបោសសំរាម បានឱ្យដឹងថា នៅម៉ោងប្រហែលជា ៥ព្រឹក គាត់បានឃើញនារីម្នាក់បានយួរស្បោងពណ៌ខ្មៅមកបោះចោលនៅក្នុងធុងសំរាម ប៉ុន្តែគាត់មិនបានចាប់អារម្មណ៍។ លុះរហូតដល់ម៉ោង ៦ព្រឹក គាត់បោសសំរាមរួច បានប្រមូលយកសំរាមទៅបោះចោល ចាក់ក្នុងធុងសំរាម ដោយគាត់មិនអស់ចិត្ត គាត់បាន បើកមើលថង់ខ្មៅនោះ ក៏ប្រទះឃើញ ប្រអប់ពណ៌សមួយ ដែលមានសរសេរលេខបន្ទប់លេខ២០៣ ក៏ឃើញទារករុំកន្សែងនៅក្នុងប្រអប់ ទើបគាត់រាយការណ៍ប្រាប់កម្លាំងសមត្ថកិច្ច ចុះមកត្រួតពិនិត្យ។

ក្រោយពីទទួលបានដំណឹងនេះរួចមក កម្លាំងសមត្ថកិច្ចប៉ុស្តិ៍ បានចុះមកដល់ទីតាំងរួមជាមួយអាជ្ញាធរពាក់ពន្ធ័ ដើម្បីយកសពទារកយកបូជាតាមប្រពៃណី៕

អត្ថបទ៖ ឃឹម វិសាល

  • អត្ថបទទាក់ទង :
  • Featured
Loading...

ពេញនិយម