កីឡាករ កែវ សុផេង បង្កើតមូលនិធិជួយប្រជាពលរដ្ឋ រងគ្រោះដោយសារទឹកជំនន់

ភ្នំពេញ៖ ថ្មីៗនេះប្រទេសកម្ពុជារងគ្រោះដោយសារទទួលឥទ្ធិពលព្យុះពីបញ្តាប្រទេសជិតខាង បានបង្កជាទឹកភ្លៀងស្ទើរគ្រប់បណ្តាខេត្តជាច្រើនក្នុងប្រទេសកម្ពុជា ហើយតំបន់ខ្លះត្រូវរងការលិចលង់ ដោយសារមើលឃើញការលិចលង់ជាបន្តបន្ទាប់បែបនេះ ខ្សែប្រយុទ្ធឆ្នើមរបស់ក្លិបបាល់ទាត់វិសាខា កែវ សុខផេង បានប្រកាសពីការបង្កើតមូលនិធិជួយប្រជាពលរដ្ឋរងគ្រោះ ដោយសារទឹកជំនន់។

មិនត្រឹមតែប៉ុណ្ណឹងនោះទេ សមាជិកក្រុមជម្រើសជាតិកម្ពុជា និងក្លិបបាល់ទាត់វិសាខា ក៏បានបន្ថែមថា ប្រសិនបើពុកម៉ែបងប្អូន សប្បុរសជន ដែលមានចំណាប់អារម្មណ៍ ចង់ឧបត្ថម្ភជាថវិកា គឺអាចទាក់ទងទៅរូបគេផ្ទាល់។

នេះជាទឹកចិត្តរបស់កីឡាករ កែវ សុផេង ក្នុងនាមជាកីឡាករជម្រើសជាតិកម្ពុជា ជាប្រជាជនកម្ពុជាតែមួយ ក៏សម្រេចចិត្តស្វែងរកថវិកា ពីបងប្អូនដើម្បីជួយប្រជាជនកម្ពុជា ក្នុងទ្រឹស្តីខ្មែរស្រឡាញ់ខ្មែរ ជួយគ្នាក្នុងគ្រាអាសន្ន៕

អត្ថបទ៖ ឡុង រតនា