តារាចំរៀង “ផលិតកម្ម ថោន” លោក ខេម នឹងប្រកាសឲ្យជួយមើលមន្ត្រីធំៗជិះឡានស្លាកលេខរដ្ឋ បើកឡើងលើខឿនប្រាសាទបាណន់ ថាធ្វើសមដែរឬអត់?

ភ្នំពេញ៖ បន្ទាប់ពីបានឃញរឿងមួយគួរអោយ ហួសចិត្តមន្ត្រីធំៗ ជិះរថយន្តម៉ាកទំនើបមួយគ្រឿងពាក់ស្លាកលេខ​រដ្ឋឡើងលើខឿនកាំជណ្តើរប្រាសាទបាណន់នោះ តារាចម្រៀង ខេម ដែលកំពុងនៅបេសកកម្មនៅប្រទេសបារាំងរួម មាស សុខសោភា បានឈ្លេចសួរទៅកាន់អ្នកគាំទ្រលើបណ្តាញសង្គមថា សមអត់?

ខណៈដែលតំបន់ប្រាសាទ គេកំពុងតែអភិរក្ស ហើយតែងតែហាមប្រាមការ​យកយាន្តជំនិះចូល ក្នុងតំបន់ប្រាសទ ព្រោះនាំឲ្យបាត់សោភ័ណ្ឌភាពប្រាសាទ នឹង បាក់បែកប្រាសាទ ហើយណាមួយប្រាសាទមានសភាពចាស់ផង​អាច​រង​ទង្គិច​ចំពោះការបើកបរ។​ តារាចម្រៀងសម្លេងស្អកប្រចាំផលិតកម្ម ថោន លោក ខេម បានបន្តថា «សូម​ជួយ​មើលប​ងប្អូ​ន»។

ការសម្ញែងឡាន​រដ្ឋឡើងលើ​ខឿនប្រាសាទ​ មិនទទួលបានការសាទរពីសំណាក់មហាជនទេ តែផ្ទុយទៅវិញរងការរិះគន់យ៉ាងចាស់ថា «អាងអំណាច គិតថា​ខ្លួនឯងឡូយ អាចធ្វើអ្វីបានតាមចិត្ត មិនគិតពីផលប៉ះពាល់​ និងមិនបានគិតពីការខូចខាតទ្រព្យសម្បត្តិរដ្ឋឡើយ»។ លោក ខេម ពិតជាហួសចិត្តនឹងស្មានមិនដល់ ហើយក៏ចូលរួមមើលថាមន្ត្រីណាទៀតហ៊ានធ្វើដូចបុគ្គលម្នាក់ ដែលយកសម្បតិ្តជាតិខ្លួនឯងយកមកបំផ្លាញដោយមិនបានចូលរួមថែរក្សាហើយបមផ្លាញទៀត ពិតជាធ្វើប្រជាជនខកចិត្តនឹកស្មានមិនដល់ ៕

អត្ថបទ៖ ឡុង រតនា