អ្នកគាំទ្រ នាំគ្នាអបអរស្តេចព្យាណូ ឡាងឡាង និងជីណាដែលជិតក្លាយជាឪពុកម្តាយគេឆាប់ៗនេះ

ចិន៖ ឡាងឡាង គឺជាអ្នកលេងព្យាណូដ៏ល្បីឈ្មោះបំផុតក្នុងប្រទេសចិន ដោយសារសមត្ថភាពពោរពេញទៅដោយទេពកោសល្យនេះបានធ្វើឱ្យលោកមានវត្តមានស្ទើរគ្រប់ប្រទេសលើពិភពលោកដោយមានការអញ្ជើញឱ្យចូលរួមសម្តែងព្យាណូជាមួយក្រុមតន្ត្រីក្លាហ្សីកនានាជាហូរហែ។

ស្ថិតក្នុងវ័យ ៣៨ ឆ្នាំ ឡាងឡាង ទើបតែទទួលបានដំណឹងល្អដោយទីបំផុតភរិយារបស់លោក កំពុងពពោះកូនស្រី ក្រោយអ្នកទាំង ២ រៀបអាពាហ៍ពិពាហ៍ជាមួយគ្នាអស់រយៈពេលជាង ១ ឆ្នាំមកនេះ។

គួរបញ្ជាក់ដែរថា ភរិយាវ័យក្មេង ជីណា ដែលមានវ័យតិចជាង ឡាងឡាង រហូតដល់ ១៣ ឆ្នាំក៏ជាតន្ត្រីករមួយរូបកូនកាត់កូរ៉េ និងអាល្លឺម៉ង់ផងដែរ ដែលសម្រស់ និងរូបរាងរបស់នាងបានទាក់ទាញចំណាប់អារម្មណ៍មហាជនជាច្រើនទៀតផង៕