Connect with us

កំណាត់ផ្លូវពីកួរស្រូវទៅកន្ទួត ត្រូវរងការខូចខាតយ៉ាងខ្លាំង, សូមអ្នកធ្វើដំណើរប្រុងប្រយ័ត្នគ្រោះថ្នាក់!

ភ្នំពេញ៖ ទឹកបានស្រកទៅវិញហើយ នៅត្រង់កំណាត់ផ្លូវជាតិលេខ២ ក្នុងភូមិសាស្ត្រខណ្ឌដង្កោ រាជធានីភ្នំពេញ។ ប៉ុន្តែ វាក៏បន្សល់ទុកនូវការខូចខាតយ៉ាងដំណំ លើកំណាត់ផ្លូវពីតំបន់កួរស្រូវ ទៅតំបន់កន្ទួត ខេត្តកណ្ដាល ផងដែរ។

ស្ថានភាពផ្លូវ នៅចំណុចខ្លះមានគ្រលុកធំៗដែលធ្វើឱ្យការធ្វើដំណើរឆ្លងកាត់មានការពិបាក ឬមិនអាចធ្វើដំណើរឡើយសម្រាប់រថយន្ត។ បញ្ហានេះ បណ្ដាលមកពីទឹកបានហូរកាត់លើកំណាត់ផ្លូវ ធ្វើឱ្យទឹកហូរច្រោះបាក់ជើងទេរផ្លូវ កាលពីប៉ុន្មានថ្ងៃមុន។

គួររំឭកថា កាលពីថ្ងៃសុក្រ ទី២៣ ខែតុលា ឆ្នាំ២០២០ រដ្ឋបាលរាជធានីភ្នំពេញ ក៏បានប្រកាសធ្វើការបិទទាំងស្រុងការធ្វើចរាចរណ៍ត្រង់កំណាត់ផ្លូវជាតិលេខ២ ដែលរងផលប៉ះពាល់ ដោយមកទល់ថ្ងៃទី២៦ ខែតុលានេះ មិនទាន់មានសេចក្ដីជូនដំណឹងថ្មីទាក់ទងនឹងការបើកឱ្យធ្វើចរាចរណ៍នោះឡើយ៕

អត្ថបទ៖ លាភ

  • អត្ថបទទាក់ទង :
  • Featured
Loading...

ពេញនិយម