Connect with us

ក្រុមហ៊ុនអាកាសចរណ៍ធំមួយ គ្រោងមកវិនិយោគលើវិស័យអាកាសចរណ៍នៅកម្ពុជា

ភ្នំពេញ៖ ក្រុមហ៊ុនអន្តរជាតិចិនឈ្មោះ អេវីក (AVIC INTERNATIONAL HOLDING CORPORATION) គ្រោងមកបណ្តាក់ទុនវិនិយោគលើវិស័យអាកាសចរណ៍នៅក្នុងប្រទេសកម្ពុជា ដោយតំណាងក្រុមហ៊ុននេះ កំពុងពិនិត្យលទ្ធភាពតាមផ្លូវច្បាប់ដែលក្រុមហ៊ុនមានលទ្ធភាពអាចទទួលយកបាន។ នេះបើយោងតាមការឱ្យដឹងក្នុងជំនួបរវាងលោក ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល និងលោក Ted Chen អ្នកចាត់ការទូទៅក្រុមហ៊ុន អេវីក នៅព្រឹកថ្ងៃទី២៧ ខែតុលា ឆ្នាំ២០២០។

លោក Ted Chen បានលើកឡើងពីគោលបំណងរបស់ក្រុមហ៊ុន ដូចជាកំពុងស្វែងយល់ពីលទ្ធភាពនៃកិច្ចសហប្រតិបត្តិការរវាងក្រុមហ៊ុន ជាមួយរដ្ឋលេខាធិការដ្ឋានអាកាសចរស៊ីវិល, ពិនិត្យលទ្ធភាព និងសក្តានុពលដែលអាចឱ្យក្រុមហ៊ុនធ្វើការវិនិយោគ ឬធ្វើជាដៃគូរអភិវឌ្ឍន៍លើវិស័យអាកាសចរណ៍ស៊ីវិល, កិច្ចពាក់ព័ន្ធនឹងការបណ្តុះបណ្តាលធនធានមនុស្សតាមលទ្ធភាពដែលក្រុមហ៊ុនអាចជួយបាន៕

ដោយ៖ គង់ ប៊ុនណា

  • អត្ថបទទាក់ទង :
  • Featured
Loading...

ពេញនិយម