Connect with us

ឥទ្ធិពលព្យុះម៉ូឡាវ កំពុងបង្កភ្លៀងធ្លាក់នៅភាគឦសានប្រទេសកម្ពុជា នាពេលថ្ងៃត្រង់ ទី២៨តុលានេះ

ភ្នំពេញ៖ លោក ចាន់ យុត្ថា អ្នកនាំពាក្យ និងជារដ្ឋលេខាធិការ ក្រសួងធនធានទឹកនិងឧតុនិយម បានឱ្យដឹងនៅមុននេះថា ឥទ្ធិពលព្យុះម៉ូឡាវ (MOLAVE) បានចូលដល់ភាគឦសាននៃប្រទេកម្ពុជាហើយ។

លោកបន្តថា ព្យុះនេះ កំពុងបង្កឱ្យមានភ្លៀងកើនឡើងជាលំដាប់ នៅខេត្តរតនគិរី និងបន្តទៅបណ្តាខេត្តនៅតាមព្រំដែនកម្ពុជា-វៀតណាម កម្ពុជា-ឡាវ និងកម្ពុជា-ថៃ បន្ទាប់ពីវាបានឡើងគោកលើឆ្នេរប្រទេសវៀតណាម នៅល្ងាចថ្ងៃទី២៨ខែតុលា។

នៅថ្ងៃទី២៨ ខែតុលានេះ ពេលថ្ងៃត្រង់ គ្រប់ស្រុក ក្រុង ក្នុងខេត្តរតនគិរី បានទទួលទឹកភ្លៀង ក្នុងកម្រិតខ្សោយទៅមធ្យម ដោយសារតែឥទ្ធិពលនៃព្យុះ។ ដោយឡែក នៅស្រុកកោះញែក ខេត្តមណ្ឌលគិរី ក៏មានភ្លៀងធ្លាក់ក្នុងកម្រិតខ្សោយផងដែរ។

យោងតាមសេចក្ដីជូនដំណឹងរបស់ក្រសួងធនធានទឹក និងឧតុនិយម បានឱ្យដឹងថា ចំពោះខេត្តជាប់ជួរភ្នំដងរែក និងខ្ពង់រាបឦសាន ភ្លៀងនឹងមាននៅក្នុងកម្រិតតិចទៅបង្គួរ រហូតដល់ថ្ងៃទី០២ ខែវិច្ឆិកា តែច្រើនលាយឡំនឹងខ្យល់ខ្លាំង នៅថ្ងៃទី២៨-២៩ ខែតុលា។

ចំណែក ខេត្តនៅភាគពាយ័ព្យ ដូចជា ខេត្តបន្ទាយមានជ័យ ឧត្តរមានជ័យ សៀមរាប ពោធិ៍សាត់ និងខេត្តបាត់ដំបង អាចនឹងមានភ្លៀងធ្លាក់ពី មធ្យមទៅច្រើន នៅថ្ងៃទី២៨-២៩ ខែតុលា ឆ្នាំ២០២០៕

អត្ថបទ៖ លាភ

  • អត្ថបទទាក់ទង :
  • Featured
Loading...

ពេញនិយម