Connect with us

ជំងឺបេះដូងរើឡើងស្របពេលកំពុងសម្រាលកូន ទីបំផុតបានត្រឹមបន្សល់អនុស្សាវរីយ៍ និងកូនស្រីដែលមិនទាន់បានឃើញមុខម្តាយ

ភ្នំពេញ៖ គូស្វាមីភរិយាមួយគូដែលធ្លាប់ទទួលបានការចាប់អារម្មណ៍ និងកោតសរសើរខ្លាំងពីបណ្តាអ្នកនិយមលេងហ្វេសបុក បានធ្វើឱ្យពួកគេប្រែមកជាក្តីអាណិតវិញក្រោយស្ត្រីជាភរិយាទើបតែទទួលមរ ណភាពកាលពីម្សិលមិញដោយសារជំងឺបេះដូងរើឡើងស្របពេលកំពុងសម្រាលកូន។

គួររម្លឹកថា ក្រោយមើលចិត្តគ្នាអស់រយៈពេលជាច្រើនឆ្នាំមក ទីបំផុតគូស្នេហ៍ដ៏ផ្អែលល្ហែមមួយគូនេះក៏សម្រេចចិត្តដឹកដៃគ្នាកសាងគ្រួសារ និងទទួលបានកូនស្រីដែលទើបតែគ្រប់ខែកាលពីសប្តាហ៍មុន ប៉ុន្តែជាអកុ សល ស្ត្រីដែលមានឈ្មោះ សុខណាតដារ៉ា ស៊ីណា បែរជាជំងឺបេះដូងប្រចាំកាយបានរើឡើងស្របពេលកំពុងសម្រាលជាហេតុធ្វើឱ្យនាងសន្លប់បាត់ស្មារតីអស់រយៈពេល ១ សប្តាហ៍ និងទើបទទួលមរ ណភាពកាលពីម្សិលម្សិញនេះ។

អ្នកនិយមលេងបណ្តាញសង្គម ដែលអ្នកជាគាំទ្រអ្នកទាំង ២ កន្លងមកហាក់ស្រឡាំងកាំងនៅពេលឭដំណឹងថា ស្ត្រីដែលឈ្មោះ ស៊ីណា បានទទួលមរ ណភាពបែបនេះ។ ទោះបីជាមិនអាចជួយសង្គ្រោះម្តាយបានក៏ពិតមែន ប៉ុន្តែក្រុមគ្រូពេទ្យក៏បានស្វះស្វែងប្រឹងអស់លទ្ធភាពដើម្បីជួយសង្គ្រោះកូនក្នុងផ្ទៃឱ្យផុតពីគ្រោះថ្នាក់។

គួរបញ្ជាក់ដែរថា មុនជិតដល់ថ្ងៃសម្រាល ស៊ីណា ធ្លាប់បានចែករំលែកវីដេអូមួយពីការព្រួយបារម្ភនៅថ្ងៃសម្រាលដោយសារនាងមានសុខភាពខ្សោយខ្លាំង និងមានជំងឺបេះដូងប្រចាំកាយទៀត ទីបំផុតអ្វីដែលនាងបារម្ភបានកើតឡើងពិតមែន។ អ្វីដែលគង់នឹងកើត គឺវាប្រាកដជាកើត សម្រាប់អ្នកដែលធ្លាប់តែគាំទ្រគូស្នេហ៍មួយគូនេះមិនអាចជួយអ្វីបានក្រៅពីចូលរួមរំលែកទុក្ខ និងទឹកចិត្តអាណិតស្វាមីនាង ជាពិសេសគឺកូនស្រីដែលត្រូវកំព្រាម្តាយតាំងពីកើតមកបែបនេះ៕

  • អត្ថបទទាក់ទង :
  • Featured
Loading...

ពេញនិយម