Connect with us

ក្លិប Manchester City ត្រៀមបន្តកិច្ចសន្យាបន្ថែមឱ្យ Raheem sterling និង Kevin De Bruyne

អង់គ្លេស៖ ក្លិបមេឃខៀវ Manchester City ត្រៀមបន្តកុងត្រាថ្មីដល់ខ្សែបម្រើ Raheem Sterling និង Kevin De Bruyne ដែលការបន្តកុងត្រាថ្មីនេះ ពួកគេទាំង២ នឹងក្លាយជាកីឡាករទទួលបានថ្លៃនឿយហត់ខ្ពស់ជាងគេក្នុងក្របខណ្ឌ Premier league។

កីឡាករទាំង២ កំពុងស្ថិតក្នុងការពិភាក្សាដល់ឆ្នាំ ២០២៣ ជាមួយ Man City ដើម្បីចៀសវាងកុំឱ្យកីឡាករទាំងពីរចាកចេញពីក្លិបមុនពេលកិច្ចសន្យារបស់ពួកគេជិតអស់សុពលភាព។
ក្នុងនោះដែរការចចារជាមួយ Sterling លើកិច្ចសន្យាថ្មីបានអូសបន្លាយជាង ១៨ ខែហើយដោយក្លិប Man City បានទឹកប្រាក់ត្រៀម៤០ម៉ឺនផោនក្នុងមួយសប្តាហ៍ដល់កីឡាករអង់គ្លេស និងបែលហ្ស៊ិកខាងលើ។

ចំណែក Kevin De Bruyne ការចុះហត្ថលេខាលើកិច្ចព្រមព្រៀងថ្មីកាលពីដើមឆ្នាំនេះត្រូវបានអាក់ខានកាលពីពេលកន្លងទៅដោយសារ ភ្នាក់ងាររបស់គេគឺលោក Patrick de Koster ត្រូវបានចាប់ខ្លួនដោយអាជ្ញាធរក្នុងប្រទេសបែលហ្ស៊ិក សង្ស័យពីបទក្នុងការកេងប្រវ័ញ្ចហិរញ្ញវត្ថុមិនត្រឹមត្រូវបន្ទាប់ពីទទួលបណ្តឹងពីឪពុករបស់ Kevin De Bruyne ុ៕

  • អត្ថបទទាក់ទង :
  • Featured
Loading...

ពេញនិយម