កីឡាករ Eric Dier គាំទ្រ Dele Alli ឱ្យនៅ Tottenham Hotspur ជាបន្តទៀត

អង់គ្លេស៖ ស្ថានភាពរបស់ Dele Alli នៅក្នុងក្លិប Tottenham Hotpsur មើលទៅហាក់បីដូចជាស្រពេចស្រពិល ដោយមិនបានទទួលការពេញចិត្តពីសំណាក់គ្រូបង្វឹកលោក Jose Mourinho នៅរដូវកាលនេះនោះទេ។

ការចាប់ផ្ដើមរដូវកាលថ្មី និងការមកដល់របស់ Gareth Bale វាហាក់បីដូចជាជំរុញឱ្យ Alli ត្រូវបង្ខំខិត្តចាកចេញពីក្លិបដោយសារតែគេមិនមានឱកាសបង្ហាញខ្លួនច្រើនក្នុងការប្រកួត។ ក្នុងនោះដែរ Dele Alli ត្រូវបានផ្សារភ្ជាប់ជាមួយនឹងការផ្លាស់ចេញពីក្លិបអំឡុងពេលទីផ្សារដោះដូរកីឡាករបើកនាពេលថ្មីៗនេះ ហើយក្នុងរដូវកាលនេះ គេលេងបានតែ៣ប្រកួតតែប៉ុណ្ណោះ។

ទោះជាយ៉ាងណាក្ដី Eric Dier បាននិយាយថា Dele Alli នៅក្នុងក្លិប Tottenham Hotspur ជាបន្តទៀត ឬក៏យ៉ាងណាគឺស្ថិតក្នុងដៃរបស់គេនៅឡើយ ព្រោះគេកំពុងតែបញ្ចុះបញ្ជូលមិត្តរួមក្រុមរូបនេះឱ្យនៅបន្ត៕