កម្ពុជា ខាតបង់ទឹកប្រាក់ ៣៥០លានដុល្លារក្នុង១ឆ្នាំ ដោយសារបញ្ហាគ្រោះថ្នាក់ចរាចរណ៍

ភ្នំពេញ៖ បញ្ហាគ្រោះថ្នាក់ចរាចរណ៍ បានធ្វើឱ្យកម្ពុជាបាត់បង់ថវិកាជាតិ និងឯកជន ប្រមាណ ៣៥០លានដុល្លារអាមេរិកក្នុងមួយឆ្នាំ ក្នុងនោះ ជាមធ្យមក្នុងមួយថ្ងៃ មានអ្នកស្លាប់ដោយគ្រោះថ្នាក់ចរាចរណ៍ ចំនួន៥នាក់ និងរបួសពី ១០-១៥នាក់។

លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានថ្លែងប្រាប់ពីតួលេខនេះ នៅក្នុងពិធីសម្ពោធបើកឱ្យប្រើប្រាស់ជាផ្លូវការមជ្ឈមណ្ឌលសំបកកង់និងថែទាំរថយន្តមួយ នាថ្ងៃទី០៥ ខែវិច្ឆិកា ឆ្នាំ២០២០នេះ។

លោករដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា បច្ចុប្បន្នកម្ពុជា មានយានយន្តប្រមាណ ៥លាន៨សែនគ្រឿង ក្នុងនោះ រថយន្តធុនធំ និងធុនតូច មានចំនួនជិត ៩សែនគ្រឿង៕

អត្ថបទ៖ លាភ